पोखरा, १४ कार्तिक । जिल्ला प्रहरी कार्यालय कास्कीले पोखरा वडा नं. ३० शिसुवामा कौडा (जुवा) खेलीरहेको अवस्थामा पाँचलाख ३१ हजार रुपैयाँसहित २३ जनालाई पक्राउ गरेको छ । कार्तिक ८ गते राति साढे नौं बजेको समयमा यमुना पराजुलीको घरमा कौडा (जुवा) खेलीरहेको अवस्थामा प्रहरीले छापा मारेको थियो ।

पक्राउ परेकाहरुलाई जिल्ला प्रशासन कार्यालय कास्कीबाट सार्वजनिक हित, स्वास्थ्य, सुरक्षा, सुविधा र नैतिकता विरुद्धको कसुर अन्तर्गत जुवा खेल्न वा सट्टा बाजी गर्न नहुने मुद्दामा ७ दिनको म्याद थप गरी अनुसन्धान प्रकृया अगाडि बढाएको छ ।

यसरी पक्राउ पर्नेहरुमा पोखरा–३० शिशुवा बस्नेहरु बिनित सुबेदी (२३), भिष्म लामिछाने (३०), गोकर्णकुमार श्रेष्ठ (६५), मणि खनाल (५३), राजेन्द्र अर्याल (४३), निभान देवान (३६), विवश बाँस्तोला (३९), राजेन्द्र अधिकारी (३८), ध्रुव तिवारी (५०), जनक थापा (५०), नवराज भट्टराई (४८), शेखर पौडेल (५३), तीर्थ पौडेल (३६), अमित गौतम (३१), रमेश गुरुङ (३५), भुवन शर्मा (५०), प्रदिप चापागाई (३०), अमृत श्रेष्ठ (२६), सुरज भट्टराई (४९), नारायण तिवारी (४३), पूर्णबहादुर घले (४३), पोखरा–३१ मोहरिया बस्ने विश्वज्योति सुवेदी (३६) र पोखरा–३२ रुपाताल बस्ने सागर श्रेष्ठ (४०) रहेका छन् ।