पोखरा, १३ कार्तिक । राष्ट्रिय स्वतन्त्र पार्टी (रास्वपा) कास्की क्षेत्र नं. १ का उम्मेदवार राजु राई यतिबेला चुनावी अभियानमा जुटिरहेका छन् । चुनावी अभियानलाई तिव्रता दिँदै गर्दा पोखरा महानगरपालिका १३ काहुँखोला कसेरीमा घरदैलो कार्यक्रम सम्पन्न गरेका छन् ।

घरदैलो अभियानमा स्थानीयले रास्वपालाई नै मत दिने बताएका छन् । चुनावी प्रचारलाई तिव्रता दिने क्रममा स्थानीयले खुसी हुँदै राजुलाई जिताउने बताएका हुन् । भ्रष्टाचार, वेथिति र राष्ट्रियताका सवालमा दलहरु कमजोर हुँदै गएपछि जनताहरुको स्वतन्त्र दल र उम्मेदवारप्रति चासो बढ्दै गईरहेको छ ।

स्थानीयको समस्या कुनेपनि दलले अहिलेसम्म पुरा गर्न नसकेको र जनताको आवाजलाई लिएर स्वतन्त्र पार्टीबाट आफुले उम्मेदवारी दिएको राजु राईले बताए । पुराना पार्टीले जनतालाई दुःख दिएका कारण स्वतन्त्र पार्टीको उदय भएको बताए । आफुले ठूला एजेन्डा नबोकेको तर जनताको देनिकी र जिवनसँग जोडिएर दीर्घकालिन योजनालाई लिएर अघि बढेको उनले सुनाए ।