News Portal

ताजा शिर्षकहरु

चर्चित शिर्षकहरु

क्राईम–न्यूज प्रमुख समाचार

बलात्कारको आरोपमा सन्दीप विरुद्ध पक्राउ पुर्जी जारी

आफ्नो संलग्नता अस्वीकार गर्दै सन्दीपले कानुनी सहायताका लागि गरे अनुरोध

काठमाडौं, २३ भदौं । एक १६ वर्षीय नाबालिग किशोरीलाई बलात्कार गरेको आरोप लागेका नेपाली राष्ट्रिय क्रिकेट टोलीका कप्तान सन्दीप लामिछानेविरुद्ध पक्राउ पुर्जी जारी भएको छ । काठमाडौं जिल्ला अदालतले उनीविरुद्ध पुर्जी जारी गरेको हो ।

भदौं ५ गते राति सन्दीपले होटल काठमाडौं इनमा लगेर आफुमाथि दुई पटक बलात्कार गरेको भन्दैं १६ वर्षीया एक किशोरीले मंगलबार प्रहरी वृत्त गौशालामा उजुरी दिएकी थिइन् । जाहेरी दिने किशोरी सन्दीपकै साथीको साथी रहेको खुलेको छ ।

किशोरीले बलात्कारको आरोप लगाई रहेको होटेल काठमाडौं इनको सीसीटीभी फुटेज प्रहरीले संकलन गरिसकेको छ । जसमा सन्दीप किशोरीसँग देखिएका छन् । फुटेजमा उनीहरू राति ११ः४५ बजे होटेल प्रवेश गरेको देखिएको छ । बिहान ६ः५५ मा दुवैजना सँगै बाहिर निस्किएको फुटेजमा प्रष्टसँग देखिएको छ ।

सन्दीप यति बेला क्यारेबियन प्रिमियर लिग खेल्न वेस्ट इन्डिजमा छन् । नेपाल क्रिकेट संघ (क्यान)का अनुसार उनले आफ्नो संलग्नता अस्वीकार गर्दै कानुनी सहायताका लागि अनुरोध गरेका छन् ।