पोखरा, २७ चैत । आउँदो वैशाख ३० गते हुन लागेको स्थानीय निर्वाचनको तयारीका लागि जनता समाजवादी पार्टी नेपालको तर्फबाट पनि कास्कीमा विभिन्न उमेद्वारहरुको चर्चा चलिरहेको छ । पोखरा महानगरपालिकाका मेयर, उपमेयर र कास्कीका चार गाउँपालिका र पोखराका केही वडाहरुका सन्दर्भमा केही नेताहरुको नाम चर्चामा रहेको छ ।

जनता समाजवादीका तर्फबाट पोखरा महानगरपालिकाको मेयरमा टिकाराम पौडेल, धनप्रसाद तामाङ, शम्भु खाती परियार र दिलिप गुरुङको नाम चर्चामा रहेको छ । त्यसैगरी उपमेयरमा हेमबहादुर थापा (पराजुली) अमोद, मेखबहादुर क्षेत्री (राजु), लक्ष्मी खाती परियार, दुर्गा गुरुङ, गोपाल गुरुङ र श्याममाया पुनको नाम चर्चामा रहेको छ ।

त्यसैगरी अन्नपूर्ण गाउँपालिकाको अध्यक्षमा नवराज पौडेल, रुपा गाउँपालिकाको अध्यक्षमा नारायण सुवेदी र उपाध्यक्षमा विकल पौडेल, मादी गाउँपालिकाको अध्यक्षमा सन्तोष नेपाली र माछापुच्छ्रे गाउँपालिकाको अध्यक्षमा गिरीप्रसाद गुरुङको नाम चर्चामा रहेको छ ।

त्यसैगरी पोखरा महानगरपालिकाका विभिन्न वडाहरुमा समेत जनता समाजवादीका नेताहरुको नाम चर्चामा आईरहेको छ । पोखरा वडा नं. १ को अध्यक्षमा पदमबहादुर गुरुङ र सदस्यहरुमा गोरे परियार र प्रदिप राई, वडा नं. २ मा अध्यक्ष पदमा जीवन खाती, वडा नं. ५ को अध्यक्षमा शंकरमान गुरुङ र सदस्यमा श्रीप्रसाद तामाङ, वडा नं. ६ को अध्यक्षमा राजु अधिकारी र सदस्यमा सुरज परियार रहेका छन् ।