काठमाडौं, ११ चैत । चिनियाँ विदेशमन्त्री तथा स्टेट काउन्सिलर वाङ यी तीन दिने नेपाल भ्रमणको क्रममा आज काठमाडौं आइपुगेका छन् । त्रिभुवन अन्तर्राष्ट्रिय विमानस्थलमा परराष्ट्र सचिव भरतराज पौड्यालसहित उच्च अधिकारीहरुले २५ सदस्यीय भ्रमण टोलीलाई स्वागत गरेका थिए ।

पाकिस्तान, अफगानिस्तान हुँदै आज साँझ भारतको नयाँदिल्ली पुगेका चिनियाँ विदेशमन्त्री वाङ त्यहीँबाट विशेष विमान बी ८४१५ बाट काठमाडौं आएका हुन् । आज उनको कुनै पनि औपचारिक भेटघाटका कार्यक्रम नराखिएको र चिनियाँ दुतावासका कर्मचारीसँगमात्र भेटघाट गर्ने कार्यक्रम रहेको छ ।

भोलि शनिबार बिहान साढे छ बजे चिनियाँ विदेशमन्त्री वाङ शिवपुरीमा हाइकिङ जाने कार्यक्रम रहेको छ । भोलि नै उनले समकक्षी डा. नारायण खड्कासँग भेटवार्ता गर्नेछन् । त्यसपछि प्रधानमन्त्री शेरबहादुर देउवा र राष्ट्रपति विद्यादेवी भण्डारीसँग भेट गर्नेछन् । आइतबार नेकपा एमालेका अध्यक्ष केपी शर्मा ओलीले माओवादी केन्द्रका अध्यक्ष प्रचण्डसँग भेटवार्ता गरेर स्वदेश फर्कने वाङको कार्यक्रम रहेको छ ।