काठमाडौं, १५ फागुन । मन्त्रिपरिषद्‍को बैठक ३ मिनेटमै सम्पन्न भएको छ । बैठकमा एमसीसीमाथि व्याख्यात्मक प्रस्तावको प्रस्तावना प्रस्तुत गरी पारित गरिएको छ।

मन्त्रिपरिषद्‍बाट पारित व्याख्यात्मक प्रस्ताव अर्थमन्त्री जनार्दन शर्माले प्रतिनिधि सभाको बैठकमा पेस गर्नेछन् । प्रतिनिधि सभा बैठक आज आइतबार नै बस्दैछ ।

आइतबार साँझ संसद्‍ बैठक सकिए लगत्तै संघीय संसद्को प्रतिनिधि सभा कार्यव्यवस्था समितिको बैठक कक्षमा मन्त्रिपरिषद्‍ बैठक बसेको थियो । कार्यव्यवस्था परामर्श समितिको हलमा मन्त्रिपरिषद्को बैठक बसेको हो। उक्त बैठकले एमसिसीमा व्याख्यात्मक घोषणा पेस गर्ने निर्णय गरेको हो।

प्रतिनिधि सभाको दोस्रो बैठकमा मन्त्रिपरिषद्को उक्त निर्णय प्रस्तुत गरिनेछ। त्यसपछि एमसिसी सम्झौतामा विस्तृत छलफल हुने र मतदानको प्रक्रिया सुरू गर्ने गरी तयारी भइरहेको संसद सचिवालयले स्रोतले जानकारी दिएको छ।