काठमाडौं । आज माध्यमिक शिक्षा परीक्षा (एसईई)को नतिजा सार्वजनिक हुँदैछ । राष्ट्रिय परीक्षा बोर्डले विद्यालयले गरेको आन्तरिक मूल्यांकनलाई प्रमाणित गर्दै २०७७ सालको एसईईको नतिजा आज सार्वजनिक गर्न लागेको हो ।

त्यसैगरी बोर्डले २०७७ को एसईईको नतिजा बोर्डको वेबसाइट, एसएमएस र आईभीआरबाट हेर्न सकिने जनाएको छ । एसईईको नतिजा विभिन्न फर्म र संस्थानबाट समेत सार्वजनिक गरिने भएको छ ।

बोर्डले बोर्डको अफिसियल बेवसाइटबाट, नेपाल टेलिकम, द कनसेप्ट प्लस प्रा लि. इडियु संजाल, नेपाल टेलिकम, कान्तिपर डिजिटल कर्प प्रालि र एनसेलको वेबसाइटबाट सार्वजनिक गर्ने भएको छ ।

परीक्षार्थीले www.see.gov.np, www.neb.gov.np, www.theconnectplus.com, www.see.edusanjal.com, www.see.ntc.net.np, www.ekantipur.com, www.ncell.axiata.com बाट एसईईको नतिजा हेर्न सकिने व्यवस्था बोर्डले गरेको छ ।