काठमाडौं । पछिल्लो २४ घण्टामा आज शनिबार देशभर पाँचहजार चारसय ५५ जना कोरोना संक्रमणबाट मुक्त भएका छन् । योसँगै नेपालमा कोरोनामुक्त हुनेको संख्या तीन लाख ३३ हजार एकसय आठ पुगेको स्वास्थ्य तथा जनसंख्या मन्त्रालयले जानकारी दिएको छ ।

योसँगै नेपालमा कुल संक्रमितको संख्या चार लाख ४७ हजार ७०४ पुगेको छ । पछिल्लो २४ घण्टामा १८ हजार पाँचसय ४८ जनाको स्वाब नमुना परीक्षण गरिएकोमा आठ हजार एकसय ६७ को नतिजा पोजिटिभ आएको थियो । १७ हजार नौंसय ७१ नमुनाको पीसीआर र पाँचसय ७७ नमुनाको एन्टिजेन विधिबाट परीक्षण गरिएको हो । हाल देशभर सक्रिय संक्रमितको संख्या एक लाख नौं हजार सात ४० पुगेको छ ।

त्यसैगरी, कोरोना संक्रमणका कारण आज देशभरी एकसय ८७ जनाको मृत्यु भएको छ । संक्रमणका कारण मृत्यु हुनेको संख्या चारहजार आठसय छपन्न पुगेको छ । आजमात्र आठहजार एकसय ६७ जनामा कोरोना संक्रमण पुष्टि भएको छ ।