पोखरा, २६ फागुन । प्रतिनिधिसभा निर्वाचनको समानुपातिकतर्फ मत गणना जारी छ। हालसम्म करिब एक करोड ४ लाख मत गणना हुँदा राष्ट्रिय स्वतन्त्र पार्टी (रास्वपा) ले ५० लाख मत कटाएको छ।

कुल १ करोड ४ लाख १९ हजार २३४ मत गणना भएकोमा रास्वपाले ५० लाख ५२ मत प्राप्त गरेको छ। यसले गर्दा रास्वपा समग्रमा बलियो स्थिति बनाउँदै दुई तिहाइ नजिक पुग्ने संकेत देखिएको छ।

अन्य प्रमुख दलहरूको मत यस प्रकार छः
नेपाली कांग्रेसः १६ लाख ९२ हजार ७८६ मत
नेकपा (एमाले) : १४ लाख ११ हजार ४२९ मत
नेपाली कम्युनिस्ट पार्टी (नेकपा) : ७ लाख ६६ हजार ८७५ मत
श्रम संस्कृति पार्टीः ३ लाख ५८ हजार ४१५ मत
राष्ट्रिय प्रजातन्त्र पार्टी (राप्रपा): ३ लाख २४ हजार ८८१ मत

मत विभाजक सूत्रका आधारमा हालसम्मको गणनाअनुसार समानुपातिक सिटहरूको अनुमानित वितरण यस प्रकार छः
रास्वपाः ५८ सिट
नेपाली कांग्रेसः १९ सिट
नेकपा (एमाले): १६ सिट
नेकपाः ९ सिट
श्रम संस्कृति पार्टी र राप्रपाः ४–४ सिट

प्रत्यक्षतर्फ रास्वपाले १२५ सिट जितिसकेको छ भने समानुपातिक मत गणना जारी रहेकाले कुल सिट संख्या थप स्पष्ट हुँदै जानेछ।