पोखरा, २६ फागुन । प्रतिनिधिसभा निर्वाचनको प्रत्यक्षतर्फ सबै १६५ क्षेत्रको अन्तिम परिणाम सार्वजनिक भएको छ। राष्ट्रिय स्वतन्त्र पार्टी (रास्वपा) ले ऐतिहासिक बहुमत हासिल गर्दै १२५ सिट जितेको छ।

समानुपातिकतर्फ हालसम्मको मत गणनाका आधारमा रास्वपाले करिब ५८ सिट प्राप्त गर्ने प्रक्षेपण छ। यसरी कुल सिट संख्या हेर्दा रास्वपाको प्रतिनिधित्व १८३ सिट नजिक पुग्ने देखिन्छ। प्रतिनिधिसभामा दुई तिहाइ बहुमत (१८४ सिट) का लागि उसलाई एक सिटको मात्र कमी छ, जसले सरकार गठनमा निर्णायक भूमिका खेल्ने सम्भावना बढाएको छ।

दोस्रो स्थानमा रहेको नेपाली कांग्रेसले प्रत्यक्षतर्फ १८ सिट जितेको छ। समानुपातिकतर्फ करिब १९ सिट प्राप्त गर्ने अनुमान छ। यसरी कुल ३७ सिट हाराहारीमा यसको प्रतिनिधित्व रहने देखिन्छ।

नेकपा (एमाले) ले प्रत्यक्षतर्फ ९ सिट जितेको छ भने समानुपातिकतर्फ १६ सिट पाउने प्रक्षेपण छ। कुल मिलाएर यसको २५ सिट हुने अनुमान गरिएको छ।

नेपाली कम्युनिस्ट पार्टीले प्रत्यक्षतर्फ ८ सिट प्राप्त गरेको छ। समानुपातिकतर्फ ९ सिट थपिएर कुल १७ सिट पुग्ने देखिन्छ।

श्रम संस्कृति पार्टीले प्रत्यक्षतर्फ ३ सिट जितेको छ। तीन प्रतिशत थ्रेसहोल्ड कटाएकाले समानुपातिकतर्फ ४ सिट पाउने अनुमान छ।

राष्ट्रिय प्रजातन्त्र पार्टी (राप्रपा) ले प्रत्यक्षतर्फ १ सिट जितेको छ भने समानुपातिकतर्फ पनि ४ सिट प्राप्त गर्ने देखिन्छ।

यो परिणामले नेपालको राजनीतिमा नयाँ युगको सुरुवात भएको संकेत गर्छ, जसमा राष्ट्रिय स्वतन्त्र पार्टीले स्पष्ट बहुमत नजिक पुग्दै पुराना दलहरूलाई पछि पारेको छ। समानुपातिकतर्फको अन्तिम गणना र कुल सिट वितरणले मात्र थप स्पष्टता दिनेछ।