News Portal

ताजा शिर्षकहरु

चर्चित शिर्षकहरु

क्राईम–न्यूज समाचार

स्याङ्जामा कुटपिट र गाडी तोडफोड गर्ने दुईजना पक्राउ

स्याङ्जा, ९ भदौं । स्याङ्जा जिल्लाको पुतलीबजार नगरपालिका वडा नम्बर–४, नागडाँडा भालुपहाडस्थित एक होटलमा खाजा खाएर बसमा चढ्ने क्रममा यात्रु र सहचालकमाथि कुटपिट गर्नुका साथै गाडीको सिसा र लाइट तोडफोड गरेको आरोपमा प्रहरीले दुईजनालाई पक्राउ गरेको छ।

भदौं ७ गते बिहान ४ः३० बजेको समयमा यात्रु र सहचालकमाथि कुटपिट भएको थियो । तत्कालैं प्राप्त सूचनाको आधारमा जिल्ला प्रहरी कार्यालय स्याङ्जाबाट खटिएको प्रहरी टोलीले कुटपिट र तोडफोडमा संलग्न दुई अभियुक्तलाई ठूलीबेसीमा लुकीछिपी बसेको अवस्थामा पक्राउ गरेको हो। पक्राउ परेका व्यक्तिहरूमा स्याङ्जा पुतलीबजार नगरपालिका–४, ठूलीबेसी बस्ने २७ वर्षीय अजय परियार र २१ वर्षीय निर्मल परियार रहेका छन्।

जिल्ला प्रहरी कार्यालय स्याङ्जाका प्रहरी नायब उपरीक्षक एवम् सूचना अधिकारी प्रसन्नराज चौधरीका अनुसार, पक्राउ परेका दुवै अभियुक्तविरुद्ध अभद्र व्यवहार कसूरमा भदौं ८ गते आइतबार जिल्ला प्रशासन कार्यालय स्याङ्जाबाट १० दिनको म्याद थप गरी अनुसन्धान भइरहेको छ।