पछिल्लो समय नेपाली काँग्रेसको राजनीतिमा हावी भएपनि विन्दु थापाको राजनीतिक इतिहास र योगदान भने शुन्य छ । निकै विवादास्पद पात्र थापालाई रिझाउन वडाध्यक्ष उर्फ पेटी ठेकेदार दीपेन्द्र मर्सानीले आफ्नै सहकर्मी भावना श्रेष्ठमाथि दुर्व्यवहार र असहयोग गर्दै आईरहेका छन् ।

पोखरा, २५ जेठ । जब जग्गा दलाल, विचौंलिया, पेटी ठेकेदार र भ्रष्ट पात्रहरु जनप्रतिनिधिका रुपमा निर्वाचित हुन्छन् भने उनीहरुको हर्कत र दम्भ कस्तो हुन्छ त ? अब यो प्रश्नको उत्तर खोज्न टाढा जान नपर्ने भएको छ । पछिल्लो समय पोखरा महानगरपालिका वडा नं. ९ का वडाध्यक्ष एवम् पेटी ठेकेदार दीपेन्द्र मर्सानी र वडासचिव कुलराज पौडेलको हर्कत र दम्भले यो प्रश्नको सटिक र पेचिलो उत्तर दिईरहेको छ ।

वडाध्यक्ष मर्सानी वारम्बार पेटी ठेकेदार कैं हैशियत र स्वभाव देखाउँदैं विवादमा आईरहन्छन् । वडावासी, जनप्रतिनिधि र पोखरा महानगरपालिकाका कर्मचारीमाथि धाकधम्की दिने, पक्का टोले गुन्डाको शैलीमा धम्क्याउने र दुर्व्यवहार गर्ने प्रवृत्ति अझैं पनि वडाध्यक्ष मर्सानीले सुधारेका छैनन् ।

पछिल्लो समय वडा नं. ९ को कार्यालय रमिताको थलो बनेको छ । वडाध्यक्ष मर्सानीको हर्कतका कारण सँगैं निर्वाचित जनप्रतिनिधिमाथि पनि त्यहाँका कर्मचारीले दुर्व्यवहार र अपमान गर्ने गरेका घटनाहरु सार्वजनिक भईरहेका छन् ।

पछिल्लो समय वडाध्यक्ष मर्सानीले २०८० सालको निर्वाचनमा नेपाली काँग्रेसका तर्फबाट चुनावी मैदानमा उठेका नवप्रवेशी नेता विन्दु थापालाई असहयोग गरेको आरोप लागेकी आफ्नैं वडासदस्य भावना श्रेष्ठमाथि असामान्य व्यवहार र हर्कत गरेर बदला लिने काम गरिरहेका छन् । पछिल्लो घटनामा वडासदस्य श्रेष्ठमाथि कांग्रेसका नेता थापा, वडाध्यक्ष मर्सानी र वडासचिव कुलराज पौडेलले योजनावद्ध ढंगबाट दुर्व्यवहार गर्ने र प्रतिशोध साँध्ने काम गर्दै आईरहेका छन् । एकजना महिला वडासदस्यलाई दिइएको यो चरम मानसिक, सामाजिक र नैतिक यातनाका विरुद्धमा यतिबेला वडावासीहरु आक्रोशित छन् ।

पछिल्लो घटनामा वडासदस्य भावना श्रेष्ठमाथि कांग्रेसका नेता थापा, वडाध्यक्ष मर्सानी र वडासचिव कुलराज पौडेलले योजनावद्ध ढंगबाट दुर्व्यवहार गर्ने र प्रतिशोध साँध्ने काम गर्दै आईरहेका छन् । एकजना महिला वडासदस्यलाई दिइएको यो चरम मानसिक, सामाजिक र नैतिक यातनाका विरुद्धमा यतिबेला वडावासीहरु आक्रोशित छन् ।

जग्गा कारोबारीका रुपमा चिनिने थापा तत्कालिन अवस्थामा नेपाल राष्ट्र बैंकमा डलर सटही शाखामा खचाञ्जीका रुपमा कार्यरत थिए । तत्कालिन अवस्थामा डलर सटहीमा गडबड गरेपछि थापामाथि कारवाही भएको विभिन्न सञ्चारमाध्यमहरुमा समाचार प्रकाशित भएका थिए । धेरै काण्डहरुमा मुछिएका विवादित पात्र थापा पछिल्लो समय जग्गा दलालीको कारोबारबाट मनग्गे आम्दानी गरेपछि एकाएक नेपाली काँग्रेसको राजनीतिमा प्रवेश गरेका हुन् ।

जग्गा दलालीबाट पैसाका भरमा राजनीतिमा आएका नेता थापाले राज्यशक्तिको दुरुपयोग गर्दै आफ्नो जग्गा प्लटिङ गरेको ठाउँमा सरकारी बजेटको चरम दुरुपयोग गरेका छन् । मन्त्रालयमा खोज्ने हो भने उनका जग्गा प्लटिङ भएका ठाउँहरुमा नियोजित रुपमा बजेट छुट्याएर सस्तोमा किनिएको घडेरीमा प्लटिङ गर्दै बाटो पुर्याउने काम भईरहेको छ । बाहिरी आवरणमा तलब, भत्तादेखि सुविधा नलिएको प्रचारबाजी जे जस्तो गरेको देखिएता पनि नेता थापाले भित्री आवरणमा चरम राज्य दोहन गर्दै आईरहेका छन् ।

वडावासीसहित वडा कार्यालय पुगेकी वडासदस्य श्रेष्ठमाथि वडा सचिव पौडेलले जनप्रतिनिधिलाई चिन्दिन भन्दैं जुन हर्कत र व्यवहार देखाए यसले पनि पेटी ठेकेदारले चलाएको वडा कार्यालयको वास्तविक अवस्था र शैली प्रष्ट झल्किन्छ ।

पछिल्लो समय नेपाली काँग्रेसको राजनीतिमा हावी भएपनि थापाको राजनीतिक इतिहास र योगदान भने शुन्य छ । निकै विवादास्पद पात्र थापालाई रिझाउन वडाध्यक्ष मर्सानीले आफ्नै सहकर्मी श्रेष्ठमाथि दुर्व्यवहार र असहयोग गर्दै आईरहेका छन् ।

पेटी ठेकेदार मर्सानीले आफ्नै सहयोद्धा वडासदस्य श्रेष्ठमाथि गरेको व्यवहार र वडाध्यक्ष मर्सानीको ईशारामा वडा सचिव कुलराज पौडेलले देखाएको हर्कतले यतिबेला वडावासी पनि आक्रोशित भएका छन् । वडावासीसहित वडा कार्यालय पुगेकी वडासदस्य श्रेष्ठमाथि वडा सचिव पौडेलले जनप्रतिनिधिलाई चिन्दिन भन्दैं जुन हर्कत र व्यवहार देखाए यसले पनि पेटी ठेकेदारले चलाएको वडा कार्यालयको वास्तविक अवस्था र शैली प्रष्ट झल्किन्छ ।

चुनावी अभियानमा पेटी ठेकेदार दीपेन्द्र मर्सानी र नेपाली काँग्रेसकी नेतृ भावना श्रेष्ठसहितको टोली

दुईजना चुल्ठेमुन्द्रे बोकेर ठेक्कापट्टा खोज्दै गल्लीनाली, सामान्य सडक र ट्यांकी बनाउँदैं हिड्ने पेटी ठेकेदार मर्सानी र उनको निजी कारिन्दाको रुपमा देखिएका वडा सचिव पौडेलको हर्कतले सिङ्गो पोखरा महानगरपालिकालाई पनि गिज्याई रहेको छ ।

आफूलाई टोले गुन्डाको नाईकेकैं रुपमा प्रस्तुत गर्ने वडाध्यक्ष मर्सानीले सर्वसाधारण जनताले केही गुनासो र विरोध गरे भने प्रहरी प्रशासनको आडमा विगतमा तर्साउँदैं पनि आईरहेका थिए । एउटा पेटी ठेकेदारलाई जनताले जुन अभिभावक मानेर मतदान दिए, आज त्यसको खिल्ली उडाउँदैं मर्सानीले आफ्नो रवाफ र दम्भ देखाएर तिनै जनताको मतको अपमान गरिरहेको स्थानीयवासी बताउँछन् ।

दुईजना चुल्ठेमुन्द्रे बोकेर ठेक्कापट्टा खोज्दै, गल्लीनाली, सामान्य सडक र ट्यांकी बनाउँदैं हिड्ने पेटी ठेकेदार दीपेन्द्र मर्सानी र उनको निजी कारिन्दाको रुपमा देखिएका वडा सचिव पौडेलको हर्कतले सिङ्गो पोखरा महानगरपालिकालाई पनि गिज्याई रहेको छ ।

यस विषयमा प्रश्न गर्न खोज्दा वडाध्यक्ष मर्सानीले फोन नै उठाएनन् । बारम्बार म्यासेज गर्दा पनि पेटी ठेकेदार मर्सानीले यसको कुनै जवाफ नैं दिएनन् । जनप्रतिनिधि भावना श्रेष्ठमाथि गरिएको दुर्व्यवहार र हर्कतका सम्बन्धमा वडा सचिव पौडेलले स्थानीय जनताकैं सामु दिएको अभिव्यक्तिले कतिसम्मको दम्भ र त्यहाँ भित्र अपमान गरिएको छ भन्ने तथ्य छर्लङ्ग भएको छ । त्यसो त हाम्रो प्रश्नमा वडासचिव कुलराज पौडेलले आफूले वडासदस्य श्रेष्ठमाथि कुनै दुर्व्यवहार र प्रतिशोध नसाँधेको दावी गरिरहे ।

आफ्नै वडाको जनप्रतिनिधि नैं नचिन्ने वडासचिव कुलराज पौडेल ।

वडा नं. ९ की वडासदस्य श्रेष्ठले वडाध्यक्ष र वडासचिवको हर्कतले आफू वडा कार्यालयमा गएर काम गर्न नसक्ने अवस्था आएको बताईन् । वडासदस्य श्रेष्ठले भनिन्–‘वडाध्यक्ष मर्सानी र वडासचिव पौडेलको हर्कतले मलाई मानसिक पीडा र काम गर्न नसक्ने अवस्था सिर्जना भएको छ ।’

यस विषयमा पोखरा महानगरपालिकाका प्रवक्ता मोति तिमिल्सिनासँग प्रश्न गर्दा वडासचिव कुलराज पौडेलको व्यवहार अशोभनीय र अक्षम्य भएको बताए । प्रवक्ता तिमिल्सिनाले भने–‘एउटा निर्वाचित जनप्रतिनिधिलाई वडावासी कैं सामु वडासचिव पौडेलले गरेको व्यवहार सामान्य छैन । यस विषयमा महानगरपालिकाले छिट्टैं आवश्यक कारवाही र प्रक्रिया अगाडि बढाउनेछ ।’

स्मरण रहोस्, पेटी ठेकेदारका रुपमा पोखरामा काम गर्दै आईरहेका मर्सानीले यसअघि पोखरा महानगरपालिकाका तत्कालिन योजना महाशाखाका प्रमुख कृष्ण तिवारीलाई पनि टोलेगुन्डाको शैलींमा गालीगलौंज गरेका थिए ।

पेटी ठेकेदार मर्सानीको यो हर्कत र गुन्डागर्दी शैलीको विरोध गर्दै महानगरपालिकाका कर्मचारीहरुले मेयर धनराज आचार्य र उपमेयर मञ्जु गुरुङलाई ज्ञापनपत्र बुझाउँदैं वडाध्यक्ष मर्सानीको हर्कतले काम गर्न सक्ने वातावरण नभएको भन्दैं आन्दोलित भएका थिए ।

नेपाली काँग्रेसका तर्फबाट निर्वाचित मर्सानी र वडासदस्य श्रेष्ठको विषयमा प्रश्न गर्दा कास्की सभापति किशोरदत्त बरालले वडा नं. ९ को घटनाले आफूहरुलाई लज्जित बनाएको बताए । यस विषयमा पार्टी कार्यालयमा समेत छलफल भएको र यस घटनाले आमजनतामा गलत सन्देश गएको भन्दैं तत्कालै यो विवादलाई मिलाउन आफूहरु छलफलमा जुट्ने उनले बताए ।