पोखरा, ८ साउन । विभिन्न सामाजिक सञ्जालको प्रयोग गरी आफूलाई सुरक्षाकर्मी हुँ भन्दैं रकम असुल्न खोज्ने पोखरा–१६, बाटुलचौरका सुजित क्षेत्रीलाई प्रहरीले पक्राउ गरेको छ ।

ह्वाट्सअप र टेलिग्रामको प्रयोग गर्दै २१ वर्षीय क्षेत्रीले विभिन्न व्यक्तिलाई ‘म जिल्ला प्रहरी कार्यालय कास्कीको सूचना अधिकारी हुँ, तपाईहरुको केही काम छ भने भन्नुहोस् गरिदिन्छु’ भन्ने र सर्वसाधारणसँग रकम माग गरेको सूचनाका आधारमा प्रहरीले लामाचौरबाट क्षेत्रीलाई पक्राउ गरेको थियो ।

पक्राउ परेका क्षेत्रीलाई सार्वजनिक हित, स्वास्थ्य, सुरक्षा, सुविधा र नैतिकता विरुद्धको कसुरमा जिल्ला अदालत कास्कीबाट ५ दिनको म्याद थप गरी अनुसन्धान प्रकृया अगाडि बढाईएको जिल्ला प्रहरी कार्यालय कास्कीका सूचना अधिकारी डिएसपी बसन्तकुमार शर्माले जानकारी दिएका छन् ।