पोखरा, ५ मंसिर । कास्की निर्वाचन क्षेत्र नं. २ को ५४१ मतगणना भईरहँदा प्रतिनिधिसभा सदस्यका उम्मेदवार राष्ट्रिय स्वतन्त्र पार्टीका माधवप्रसाद कँडेलले सुरुवाती अग्रता लिएका छन् । उनले नेकपा एमालेका विद्या भट्टराईलाई पछाडि पारेका छन् । मतगणना पोखरा-१५ कोलपाटनको मतपेटिकाबाट  सुरु गरिएको निर्वाचन अधिकृत कार्यालयले जानकारी दिएको छ ।

निर्वाचन अधिकृतको कार्यालयका सूचना अधिकारी नवीन पौडेलका अनुसार प्रारम्भिक मतपरिणामअनुसार राष्ट्रिय स्वतन्त्र पार्टीका उम्मेदवार सबैभन्दा अगाडि रहेका हुन् । स्वतन्त्रका कँडेलले १६२ मत प्राप्त गर्दा एमालेकी उम्मेदवार भट्टराईले १२२ मत ल्याएकी छिन् । त्यस्तै प्रतिस्पर्धामा रहेका गठबन्धनतर्फका नेकपा एसका उम्मेदवार श्रीनाथ बरालले ११० मत प्राप्त गरेका छन् ।

यसैगरी प्रदेशसभा १ तर्फ राप्रपाका विजयबहादुर भण्डारी १९८, एमालेका भीमबहादुर कार्कीले १४५ र माओवादी केन्द्रका विश्वप्रकाश लामिछानेले १०६ मत पाएका छन । उक्त छेत्रमा समानुपातिकतर्फको पनि मतगणना भइरहेको छ । अब छिट्टै नै कास्की क्षेत्र नम्बर १ र ३ को मतगणना पनि सुरु गर्ने तयारी भइरहेको निर्वाचन कार्यालय कास्कीले जानकारी दिएको छ । मतगणना जारी छ।