पोखरा, ६ चैत । नेकपा (माओवादी) केन्द्रका अध्यक्ष पुष्पकमल दाहाल ‘प्रचण्ड’ कार्यकर्ता प्रशिक्षण कार्यक्रमका लागि आज आइतबार पोखरा आउँदैछन् । प्रदेशस्तरीय राजनीतिक वैचारिक प्रशिक्षण कार्यक्रमलाई सम्बोधन गर्नका लागि अध्यक्ष प्रचण्ड सहित वरिष्ठ नेता नारायणकाजी श्रेष्ठ, देव गुरुङ, देवेन्द्र पौडेल, दिनानाथ शर्मा लगायत नेताहरू पोखरा आउन लागेका हुन् ।

प्रचण्ड पोखरा आउने भएपछि गण्डकी प्रदेशसभा पनि स्थगित गरिएको छ । अध्यक्ष प्रचण्ड आउने कार्यक्रमले सांसदहरू व्यस्त हुने भन्दै कार्यव्यवस्था परामर्श समितिको बैठक बसेर संसद् बैठक स्थगित गर्ने निर्णय गरेको हो । आइतबार १ बजेको संसद् बैठक भोलिपल्टलाई सारिएको छ ।