पोखरा । कास्कीको अन्नपूर्ण गाउँपालिका वडा नं. ३ पाउदुरघुम्ती स्थित पोखरा–बागलुङ सडक खण्डमा भैरहवाबाट बागलुङतर्फ जाँदै गरेको बस सडकबाट आज विहान करिब ७ बजे तिर ३० मिटर तल खस्दा बस चालकको मृत्यु हुन पुगेको छ । स्थानीय जुमकाजी विकको घरमा बस खस्दा पाल्पा घर भएका बस चालक ४६ बर्षीय भुपेन्द्र भनिने भुपनाथ खनालको मृत्यु हुन पुगेको छ भने घरमूलीसहित आठजना यात्रुहरु घाईते भएको जिल्ला प्रहरी कार्यालय कास्कीका प्रहरी नायव उपरिक्षक सुन्दर तिवारीले जानकारी दिए ।

घाईते हुनेहरुमा वागलुङ नगरपालिका वडा नं. ६ लहरे पीपल बस्ने २९ बर्षीय शिवराम शर्मा, बागलुङ ठुलढुङ्गा बस्ने ४८ बर्षीय कृष्ण खड्का, बागलुङ नगरपालिका वडा नं. १४ बलेवा बस्ने २५ बर्षीय राजु श्रेष्ठ, बागलुङ नगरपालिका वडा नं. २ आवारोड बस्ने ४२ बर्षीय सुवर्ण सापकोटा (महिला), पर्वत फलेवास नगरपालिका वडा नं. ४ बस्ने ३५ बर्षीय सुर्य तिवारी, चितवन भरतपुर नगरपालिका वडा नं. ३ राम्जालीमार्ग बस्ने २३ बर्षीया साधना उपाध्याय र घरमूली कास्की अन्नपूर्ण गाउँपालिका वडा नं.३ पाउदुर बस्ने माया विक रहेका छन् । उनीहरुको पोखराका विभिन्न अस्पतालहरुमा उपचार जिल्ला प्रहरी कार्यालय कास्कीले जानकारी दिएको छ ।

स्रोतः जिल्ला प्रहरी कार्यालय कास्की