कालीकोट । बिप्लव नेकपाका केन्द्रिय सचिवालय सदस्य तथा प्रबक्ता खड्ग बहादुर बिक( प्रकाण्ड)ले जनयुद्ध कालमा जनता माथि व्यापक दमन गरेपछी प्रहरीको राइफल खोस्ने प्याउकला बिकलाइ भेटघाट गरेका छन् ।

पार्टी कामको सिलसिलामा गृह जिल्ला आइपुगेका प्रकाण्डले घरमा पुगेर भेटाघाट गर्दै तत्कालीन समयमा माल्कोटी महिलाले खेलेको भुमिकाको आफ्नो पार्टीले उच्च कदर गरेको बताएका छन् ।

जनयुद्धकालमा २०५४ साल चैत्र २४ गते माल्कोटको बिथलडांडामा प्याउकलाको नेतृत्वमा प्रहरीलाई लखेटेर एक थान थ्रीनट थ्री(राइफल) खोसेर माओबादीलाई बुझाएका थिए ।

सो समयमा कोटबाडाको चौथिकोटका काली बिकले शाहदत गरेका थिए । उनी साबिकको कर्नाली अंचलको जनयुद्धका पहिलो सहिद हुन । त्यसबेलादेखि माल्कोट चर्चाको शिखरमा छ ।

त्यसै गरी २०७४ सालको स्थानिय निर्बाचन ताका माल्कोट मतदान केन्द्रको समयमा घाइतेलाइ समेत भेटघाट गरेको बताइएको छ । उक्त घटनामा परि एक जनाको मृत्यु भएको थियो ।

एक जनाको ज्यान जाने गरि भएको उक्त घटनापछि निर्वाचन स्थगित भएको थियो । त्यसपछि काठमाडौँबाट मानवअधिकारकर्मी र पत्रकारहरुको टोली पुगेर घटनास्थलको निरिक्षर एबम् अनुगमन गरेपछि केहि दिनपछि पुनः निर्वाचन भएको थियो ।