News Portal

ताजा शिर्षकहरु

चर्चित शिर्षकहरु

क्राईम–न्यूज प्रमुख समाचार

नेपालमा पहिलोपटक युरेनियम बरामद, चारजना पक्राउ

'बरामद भएको युरेनियमको मूल्य करिब ५/६ अर्ब' : प्रहरी आयुक्त एआइजी पाल

काठमाडौं । प्रहरीले साढे दुई किलो युरेनियमसहित चारजनालाई पक्राउ गरेको छ । महानगरीय प्रहरी आयुक्त एआइजी हरि पालका अनुसार नेपालमा युरेनियम बरामद भएको यो पहिलो घटना हो ।

बरामद भएको युरेनियमको मूल्य करिब ५/६ अर्ब रहेको महानगरीय प्रहरी आयुक्त एआइजी पालले जानकारी दिनुभयो ।  प्रहरीले आफैं कारोबारी बनेर ती व्यक्तिहरुसँग डेढ अर्बमा युरेनियम किन्ने डिल गरेको थियो ।

डिल गरेपछि उनीहरुबाट प्रहरीले नमूना लिई नेपाल विज्ञान तथा प्रविधि प्रतिष्ठान (नास्ट)मा पठाएर परिक्षण गर्दा प्रशोधन नगरिएको युरेनियम भएको पुष्टि भएको थियो । प्रहरीले विशेष सूचनाको आधारमा बौद्धस्थित एक पुरानो घरमा राखेको अवस्थामा युरेनियम भेटेको थियो ।

महानगरीय प्रहरी कार्यालय रानीपोखरीले आज पत्रकार सम्मेलनको आयोजना गर्दै उनीहरुलाई बौद्ध क्षेत्रबाट पक्राउ गरिएको जानकारी दिएको छ । यसरी पक्राउ पर्नेमा रामेछापको लिखु तामाकोशी गाउँपालिका–५ बस्ने ४० वर्षीय नारायण सिंह तामाङ, सोही ठाउँ घर भई हाल काठमाडौंको बौद्ध बस्ने ४० वर्षीया जानुका तामाङ, रामेछापको बागजोर नगरपालिका–४ का २० वर्षीय प्रकाश चौहान र सिन्धुलीको सुनकोशी–४ बस्ने २० वर्षीय मनोज न्यौपाने रहेका छन् ।

बरामद गरिएको वस्तु परिक्षण गर्दा प्रशोधन नगरिएको युरेनियम भएको पुष्टि भएको एआईजी पालले बताउनुभयो । प्रहरीका अनुसार युरेनियम दुईप्रकारको हुने र त्यस मध्ये यो प्रशोधन नगरिएको (काँचो) भन्ने रहेको छ । युरेनियमसहित पक्राउ गरिएको चारजनालाई प्रहरीले पाँच दिनको म्याद थपेर विस्फोटक पदार्थसम्बन्धी ऐन अनुसार कारवाही अगाडि बढाएको छ ।

प्रतिक्रिया