News Portal

ताजा शिर्षकहरु

चर्चित शिर्षकहरु

प्रमुख समाचार राजनीति

नेकपा भित्रको विवाद झनैं चर्कदैं

स्थायी कमिटी बैठकको पूर्वसन्ध्यामा पोखरामा ओली, प्रचण्ड र नेपाल गुटको छुट्टाछुट्टै भेला

कार्टुन साभार

पोखरा । सहमति र पार्टी एकता मजबुत बनाउने नाममा सत्तारुढ नेकपाका नेताहरुले आ–आफ्नै गुटगत छलफल र भेलालाई तिब्र बनाएका छन् । एक अर्काका विरुद्धमा कसरी प्रहार गर्ने रणनीति बनाउने काममा जुटेका नेकपाका नेताहरुले पोखरामा विभिन्न चरणमा छलफल र भेलाको आयोजना गरेका हुन् ।

नेकपाका अध्यक्ष एवम् प्रधानमन्त्री केपी शर्मा ओलीको सहभागितामा आज स्थायी कमिटीको बैठक दिउँसो बस्दैछ । गत मंसिर २१ गतेको बैठकमा उपस्थित नभएका प्रधानमन्त्री ओली यसपटकको बैठकमा सहभागी हुँदैछन् । आजको बैठकमा स्थायी कमिटीका सदस्यहरुले आ–आफ्नो विचार व्यक्त गर्नेछन् ।

स्थायी कमिटीको बैठकको पूर्वसन्ध्यामा ओली, प्रचण्ड र नेपाल पक्षका नेताहरुले आ–आफ्नो गुटगत भेला र छलफलको आयोजना गरेका थिए । आफ्ना गुटगत कार्यकर्तालाई जे पनि हुन सक्छ, तयार रहनु भन्ने आसयको निर्देशनले आजको बैठकमा साझा एजेण्डामा भन्दा पनि आ–आफ्ना गुटगत पक्षमा लविङ गर्ने देखिएको छ ।

स्थायी कमिटीको निर्णय केन्द्रीय कमिटीबाट अनुमोदन गराएर त्यसको कार्यान्वयन गर्ने योनजामा प्रचण्ड–नेपाल समूहको रणनीति देखिन्छ । स्थायी र केन्द्रीय कमिटीमा अल्पमतमा रहेको ओली समूहले संक्रमणकालीन कमिटीले बुहमत अल्पमतको निर्णय लिन नसक्ने रटान दोहो¥याउँदै आईरहेको छ । त्यसो त केन्द्रीय कमिटीको बैठक पुस ५ गते बस्ने निर्णय पनि भईसकेको छ ।

स्थायी कमिटीको बैठकको पूर्वसन्ध्यामा पोखरामा पनि गुटगत भेला र छलफल तिब्र रुपमा भएको थियो । यस बिचमा ओलीगुट, प्रचण्डगुट र माधवगुटले छुट्टा–छुट्टै भेलाहरुको आयोजना गरेका थिए । ओलीगुटले पोखराको सिर्जनचोकस्थित साईमन पार्टी प्यालेसमा, प्रचण्डगुटले बुद्धचोकस्थित लेकाली चुलो र नेपाल निकटका नेताहरुले पृथ्वीचोकस्थित नेपाल ट्रेड युनियन महासंघ जिफण्टको कार्यालयमा भेलाको आयोजना गरेका थिए । माधवकुमार नेपाल समूहले आयोजना गरेको भेलामा पूर्वमाओवादीका नेता तथा कार्यकर्ताहरुको पनि सहभागिता भएको थियो ।

शुरुमा कास्कीमा गएको मंसिर ८ मा स्थायी कमिटी सदस्य सुरेन्द्र पाण्डेको प्रमुख आतिथ्यतामा नेपाल समूहको भेला भएको थियो । भेलामा मनाङ, मुस्ताङ, लमजुङ र गोरखाबाहेक सात जिल्लाका अगुवा नेता सहभागी भएका थिए । त्यसैगरी पछिल्लो समय जिल्ला जिल्लामा तमतयार अवस्थामा रहन ओली निकट विद्यार्थीको प्रदेशस्तरीय भेला पोखराको लिचिबोट पार्टी प्यालेसमा भएको थियो ।

केपी शर्मा गुटको गण्डकी प्रदेशका मुख्यमन्त्री तथा नेकपाका स्थायी कमिटी सदस्य पृथ्वीसुब्बा गुरुङ र प्रतिनिधिसभा सदस्य खगराज अधिकारी, प्रचण्ड गुटको नेकपा गण्डकी प्रदेशका अध्यक्ष हितराज पाण्डे, बखानसिं गुरुङ, राजकाजी गुरुङ र माधव नेपाल समूहका चुडामणि जंगली, श्रीनाथ बराल, सदाखर भण्डारी लगायतले नेतृत्व गर्दै छलफल तथा भेलाको आयोजना गरेका थिए । शुरुमा माधव नेपाल समूहका नेता सुरेन्द्र पाण्डेले पोखरामा गुटगत भेलाको आयोजना गरेका थिए । अनेरास्ववियूका केन्द्रीय संयोजक ऐन महर, अखिलको पूर्व उपाध्यक्ष तथा वर्तमान केन्द्रीय सदस्य रश्मी आचार्य, महेश गर्तौला, सुनीता बराल, शैलेस लामा लगायतले ओली निकटका विद्यार्थीहरुको पोखरामा भेला गरेका थिए ।

प्रतिक्रिया