पोखरा, ३१ वैशाख । कास्की जिल्ला बार एशोसिएसनको आगामी नयाँ नेतृत्वका लागि स्वतन्त्र कानुन व्यवसायीहरूको समूहले आफ्नो प्यानलसहित मनोनयन दर्ता गराएको छ। आगामी जेठ ३ गते सम्पन्न हुन गइरहेको निर्वाचनका लागि आज बिहीबार उक्त समूहले उत्साहजनक रूपमा उम्मेदवारी दर्ता गराएको हो।

व्यावसायिक मर्यादाको रक्षा र संस्थागत निष्पक्षतालाई मुख्य एजेन्डा बनाएर चुनावी मैदानमा उत्रिएको यस समूहबाट अध्यक्ष पदमा पुष्पराज दाहालले उम्मेदवारी दिएका छन् । त्यस्तै, उपाध्यक्षमा हिमलाल पराजुली, सचिवमा सरस्वती सुवेदी र कोषाध्यक्षमा मुक्तिराम सुवेदीले मनोनयन दर्ता गराएका छन् ।

कार्यसमिति सदस्यतर्फ पुष्प प्रसाद पराजुली र योगेन्द्र बहादुर के।सी।ले उम्मेदवारी दिनुभएको निर्वाचन समितिले जनाएको छ। कानुन व्यवसायीहरूको हकहित र पेसागत शुद्धीकरणका लागि आफूहरूको उम्मेदवारी रहेको यस समूहले दाबी गरेको छ।

बार एशोसिएसनको यो निर्वाचनलाई कानुन व्यवसायीहरूको महत्वपूर्ण लोकतान्त्रिक अभ्यासका रूपमा लिइएको छ। मतदानको मिति नजिकिँदै गर्दा कास्कीका कानुन व्यवसायीहरू माझ चुनावी सरगर्मी निकै बढेको छ।