रोल्पा, १७ वैशाख । रोल्पाको थबाङ गाउँपालिका–१, जलजलामा बिहीबार भएको जीप दुर्घटनामा परी २० जनाको मृत्यु भएको छ। वैशाख पूर्णिमाको अवसरमा पूजा गर्न रुकुम पूर्वबाट जलजलातर्फ जाँदै गरेका तीर्थयात्री सवार जीप दुर्घटनामा परेको हो।

जिल्ला प्रहरी कार्यालय रोल्पाका अनुसार, तीर्थयात्री बोकेको जीप सडकबाट अनियन्त्रित भई करिब ८०० मिटर तल भीरमा खसेको छ। दुर्घटनाको खबर प्राप्त हुनासाथ घटनास्थलमा खटिएको प्रहरी र स्थानीयको सहयोगमा उद्धार कार्य जारी राखिएको छ।

वैशाख पूर्णिमाको जात्राका लागि जलजला पुग्ने क्रममा उक्त दुःखद घटना भएको हो। विस्तृत विवरण आउन बाँकी छ।