काठमाडौं, १५ वैशाख । नेपाल माइक्रो इन्स्योरेन्स कम्पनीका अध्यक्ष आशिष श्रेष्ठलाई प्रहरीको केन्द्रीय अनुसन्धान ब्यूरो (सीआईबी)ले नियन्त्रणमा लिएको छ। बिमा व्यवसायमा आर्थिक अनियमितता र दुरूपयोग गरेको अभियोगमा अनुसन्धानका लागि उनलाई पक्राउ गरिएको हो।

नेपाल बिमा प्राधिकरणको लिखित अनुरोध र अदालतको औपचारिक अनुमतिपश्चात सीआईबीले श्रेष्ठलाई कागेश्वरी मनोहरा–५ बाट नियन्त्रणमा लिएको हो। उनीमाथि बिमा ऐन २०७९ को दफा १४० को उपदफा १ (छ) बमोजिमको कसुरमा अनुसन्धान सुरु गरिएको प्रहरीले जनाएको छ।

उक्त कानुनी प्रावधानअनुसार बिमा कम्पनीका पदाधिकारी, कर्मचारी वा सम्बद्ध व्यक्तिले बिमालेख जारी गर्दा, सम्पत्ति तथा दायित्वको क्षति मूल्याङ्कन गर्दा, दाबी भुक्तानी गर्दा वा व्यवसाय सञ्चालनका क्रममा कुनै पनि प्रकारको अनियमितता वा आर्थिक दुरुपयोग गरेमा त्यसलाई गम्भीर कसुर मानिन्छ। श्रेष्ठमाथि सोही ऐन आकर्षित हुने गरी अनुसन्धान प्रक्रिया अघि बढाइएको सीआईबीको भनाइ छ।

नेपाल माइक्रो इन्स्योरेन्स कम्पनीको सञ्चालक समिति