मोरङ, २३ फागुन । मोरङ क्षेत्र नम्बर ६ मा राष्ट्रिय स्वतन्त्र पार्टी (रास्वपा)की उम्मेदवार रुबिना आचार्य प्रतिनिधिसभा निर्वाचनमा विजयी भएकी छन्।

उनले कुल ५५ हजार ५१३ मत प्राप्त गर्दै यो क्षेत्रबाट निर्वाचित भएकी हुन्। निकटतम प्रतिद्वन्द्वी नेपाली कांग्रेसका वरिष्ठ नेता डा. शेखर कोइरालाले १२ हजार ८५० मत मात्रै ल्याए, जसले रुबिनालाई करिब ४२ हजार ६६३ मतको ठूलो अन्तरले जित दिलाएको छ।

यसैगरी, नेकपा (एमाले)का बिनोद ढकालले ८ हजार ३१७ मत प्राप्त गरे भने श्रम संस्कृति पार्टीका मात्रिका पौडेलले ३ हजार ४०० मत ल्याए।

रास्वपाको लागि यो जीत एकदमैं महत्वपूर्ण छ, किनकि डा. कोइराला जस्ता प्रभावशाली नेताको पराजयले व्यक्ति मात्र नभई परम्परागत दलहरूको प्रभावमा कमी आएको संकेत गरेको छ ।