पोखरा । पोखरामा कोरोना संक्रमणका कारण आज थप चारजनाको मृत्यु भएको छ । कोरोना संक्रमणका कारण गण्डकी प्रदेशमा एकसय ११ जनाको मृत्यु भईसकेको स्वास्थ्य निर्देशनालय गण्डकी प्रदेशले आज जारी गरेको विज्ञप्तिमा उल्लेख छ ।

स्वास्थ्य निर्देशनालयका निर्देशक एवम् गण्डकी प्रदेश कोरोना नियन्त्रण तथा रोकथाम कार्यक्रमका प्रवक्ता डा.विनोद विन्दु शर्माले दिएको जानकारी अनुसार पोखरा महानगरपालिकाका ८२ वर्षीय कोरोना संक्रमित महिलाको हिजो बेलुका ६ः५० बजे मनिपाल शिक्षण अस्पताल पोखरामा उपचारका क्रममा मृत्यु भएको हो । ती महिलालाई कार्तिक २२ गते कोरोना संक्रमणको पुष्टि भएको थियो । स्वास्थ्य निर्देशनालयले जारी गरेको विज्ञप्तिमा पोखरा महानगरपालिकाको कति नम्बर वडाको हो भन्ने विषय विज्ञप्तिमा खुलाएको भने छैन ।

त्यसैगरी पोखरा महानगरपालिका वडा नं. १७ का ७४ वर्षीय कोरोना संक्रमित महिलाको हिजो बेलुका ६ः१८ बजे गण्डकी मेडिकल कलेज पोखरामा उपचारका क्रममा निधन भएको छ । ती महिलालाई हिजो नै कोरोना संक्रमणको पुष्टि भएको थियो ।

त्यसैगरी पोखरा वडा नं. १० का ८६ वर्षीय कोरोना संक्रमित पुरुषतको हिजो बेलुका ११ः४१ बजे फिस्टेल अस्पताल पोखरामा उपचारका क्रममा दुखद निधन भएको छ । ती पुरुषलाई कार्तिक १९ गते कोरोनाको संक्रमण पुष्टि भएको थियो ।

पोखरा–११ का ६० वर्षीय कोरोना संक्रमित पुरुषको आज विहान १०ः१३ बजे गण्डकी मेडिकल कलेज पोखरामा उपचारका क्रममा दुःखद निधन भएको छ । ती पुरुषलाई कार्तिक १६ गते कोरोना संक्रमण पुष्टि भएको थियो ।