News Portal

ताजा शिर्षकहरु

प्रमुख समाचार राजनीति

कास्की क्षेत्र नं. ३ ख प्रदेश सभा सदस्यमा युवा नेता भानु पराजुलीको दावी

पोखरा, १५ भदौं । नेपाली कांग्रेसका युवा नेता भानु पराजुलीले कास्की क्षेत्र नं ३ ख प्रदेश सभा सदस्यको लागि आकांक्षा प्रस्तुत गरेका छन् । पार्टीको भेलामा उनले आफु उम्मेदवार वन्न योग्य रहेको दावी गरेको प्रदेश सचिव ठाकुर बरालले जानकारी दिएका छन् ।

सो प्रदेशमा पराजुली सहित १२ जनाले प्रत्यक्षतर्फ उम्मेदवार बन्ने आकांक्षा राखेका छन् । कांग्रेसमा लामो समयदेखि पुस्तान्तरणको मुद्दा उठाउंदै आएका युवा नेता पराजुलीले पुराना र पाका नेताहरूलाई अभिभावकीय दायित्वमा रही नेतृत्व हस्तान्तरणमा सहयोग गर्न अपिल गरेका छन् ।

भ्रष्टाचार विरोधी अभियानमा सक्रिय पराजुलीले प्रदेशको दिगो विकास, सुसासन र स्थायित्वका लागि आफ्नो दावी रहेको बताए । अहिले प्रदेश ससदमा जुन वेथिती छ, त्यसले संघियता प्रति वितृष्णा जगाएको छ, प्रदेश सरकारहरूले वित्तीय संघीयताको पक्षमा काम गरेका छैनन्; त्यसैले विकास तथा निर्माणको सबै काम स्थानीय तहलाई दिएर नीति तथा कानुन निर्माण र अनुगमनको काम मात्रै संसदले गर्नुपर्छ पराजुलीले आफ्नो तर्क राखेका छन् ।

‘म संसद विकास कोष बनाएर पैसा बाँड्ने कुराको विपक्षमा छु, म पुल, सड़क बनाउन संसद जाने होईन गरिव, असहाय, महिला, जनजाती र दलित समुदायको हकÞ र अधिकार स्थापित गराउने खालका कानुन बनाउने पक्षमा सदैव वकालत गर्छु’, नेता पराजुलीले भने । आम कार्यकर्ता नेताको फेरो समात्ने, पैसा भए टिकट पाइन्छ भन्ने गÞलत मान्यताका विरूद्ध पनि आफ्नो उम्मेदवारी रहेको पराजुलीको भनाई छ ।

‘आन्तरिक प्रजातन्त्र, सुशासन र जवाफदेहिता बिनाको प्रदेश सत्ताको उपयोगीमात्रै बन्न सक्छ, तर समृद्ध प्रदेश निर्माण गर्न सकिन्न’, नेता पराजुलीले भने–‘अब हाम्रो पुस्ता गाँउलाई सहर होइन, गाँउलाई गाउँकै रुपमा समृद्ध बनाउने सपना, योजना र ताकत सहित चुनावमा जान तयार रहेको छ ।’

जनताको काखदेखि दुःख, पीर, मर्का झेल्दै आएको निष्ठावान, कर्मशील, क्षमतावान पुस्ताबाट अबको चुनावमा उम्मेदवार बन्नुपर्छ भन्ने जोड पनि आफ्नो रहेको पराजुलीको भनाई छ । ‘नवीन चिन्तन र विचार सहितको म र मेरो पुस्ता अर्थात् क्षमतावान, इमान्दार, योग्य र सदाचारी युवाको सशक्त उपस्थिति आगामी संसदीय चुनावमा हुन जरुरी छ, प्रदेश सभा सदस्यका आकांक्षी पराजुलीले भने ।