News Portal

ताजा शिर्षकहरु

चर्चित शिर्षकहरु

प्रमुख समाचार राजनीति

दामोदर बैरागीले पत्रकार अमृत सुवेदीसँग मागे माफी

पत्रकार अमृत सुवेदीसँग दुई हात जोडेर माफी माग्दै एमालेका नेता दामोदर बैरागी । तस्विर : डन न्यूज

पोखरा, ४ जेठ । नेकपा एमालेका नेता दामोदर बैरागीले अनलाईन खबर डटकमको गण्डकी ब्यूरो प्रमुख अमृत सुवेदीसँग आज नै माफी मागेका छन् । नेपाल पत्रकार महासंघ कास्कीका अध्यक्ष विमला भण्डारी र उपाध्यक्ष रामप्रसाद तिमिल्सिना र पत्रकारहरुको उपस्थितिमा नेता बैरागीले पत्रकार सुवेदीसँग माफी मागेका हुन् ।

आज दिउँसो पोखरा वडा नं. ७ को मतगणनका क्रममा एमालेले आफ्नो लालकिल्ला भनेर घोषणा गरेको ठाउँमा निरन्तर नतिजा कमजोर आउँदै गएपछि रुष्ट बनेको थियो । उम्मेदवारहरुका आफन्तहरुले एमाले कैं कार्यकर्ताले घात गरेको भन्दै सामाजिक सञ्जालहरुमा असन्तुष्टिहरु सार्वजनिक गरिरहेका थिए ।

सोही क्रममा जिल्ला समन्वय समितिको कार्यालयको हलमा भईरहेको मतगणनामा गठबन्धनका प्रतिनिधिहरुले कर्मचारीहरुलाई थर्काएको भन्दै विवाद शुरु भएको थियो । सोही विवादलाई चर्काउँदै एमालेले सबै ठाउँको मतगणना कार्य नै विथोल्न खोजिरहेको थियो । तर व्यापक सुरक्षाकर्मी र बाक्लो पत्रकारहरुको उपस्थितिका कारण एमालेका कार्यकर्ताहरुले सोचें जस्तो गरी गणना कार्य रोक्न नपाएपछि पत्रकारमाथि नै जाई लागेका थिए ।

घटनाका विषयमा रिर्पोटिङका खटिएका पत्रकारहरुलाई एमालेका नेता बैरागीलगायतले पत्रकार सुवेदी र सागरराज तिमिल्सिना लगायतलाई धम्क्याएका थिए । उनीहरुले घटनाका सम्बन्धमा जानकारी लिन खोज्दा पत्रकारलाई झापड हान्ने र बाहिर निस्किन नदिने भन्दै आफ्ना कार्यकर्तालाई पत्रकारलाई ठोक्न निर्देशन समेत दिएका थिए ।

यता, यस घटनाका सम्बन्धमा सत्तारुढ गठबन्धनले भने एमालेले हारको मानसिकताले मतगणनालाई प्रभावित पार्न खोजेको आरोप लगाएको छ । त्यसैगरी, नेपाली कांग्रेस कास्कीका सचिव भानु ढकालले मतगणना स्थलमा नेकपा एमालेले दादागिरी र स्वतन्त्र पत्रकारहरुमाथि गरेको दुव्र्यवहारको घोर निन्दा र भत्र्सना गरेका छन् । कास्की सचिव ढकालले दोषी उपर तुरुन्त कानुनी कारवाहीको माग गर्दै जनताको अभिमतको अपमान र हारको मानसिकताले मतगणना प्रभावित पार्ने काम गलत र अपराध भएको उल्लेख गरेका छन् ।