News Portal

ताजा शिर्षकहरु

चर्चित शिर्षकहरु

राजनीति समाचार

कांग्रेसका वडाध्यक्ष उम्मेदवार गुरुङले कुटे माओवादी कार्यकर्ता

तस्विर साभार अनलाइन खबर डटकम

गोरखा, २९ वैशाख । नेपाली कांग्रेसका वडाध्यक्षका उम्मेदवार ओमबहादुर गुरुङको टोलीले नेकपा माओवादी केन्द्रका कार्यकर्तालाई गोरखामा कुटपिट गरेका छन् । कुटपिटबाट घाइते भएका माओवादी कार्यकर्ताको थप उपचारका लागि गोरखा अस्पताल लगिएको प्रहरीले जानकारी दिएको छ ।

स्थानीय तहको निर्वाचनको मौन अवधिका बेला काँग्रेसका वडाध्यक्षका उम्मेदवार ओमबहादुर गुरूङ नेतृत्वको माओवादी कार्यकर्ता विष्णु भुजेल र बेलबहादुर गुरुङमाथि आक्रमण गरेको आरोप माओवादीले लगाएको छ ।

खना खाने तयारी भईरहेको बेलामा गोरखाको अजिरकोट गाउँपालिका– १, घ्याच्चोकमा बुधबार राति एक्कासी ढुङ्गा, चिरपट लगायतका हतियार प्रयोग गरेर आक्रमण गरिएको घाइतेले बताएका छन् । घाइतेहरुको तत्कालै जौवारी स्वास्थ चौकीमा प्राथमिक उपचारपछि थप उपचारका लागि गोरखा अस्पताल, गमेरखा लगिएको हो ।

माओवादी वडाध्यक्ष मनोज गुरुङका अनुसार बुधबार साँझ खाना खाने तयारी भइरहेका बेला एक्कासी कांग्रेसका नेता ओमबहादुरसहितका दर्जनौंको टोलीले माओवादी कार्यकर्तामाथि आक्रमण गरेको थियो ।

माओवादीले कांग्रेसले आक्रमण गरेको आरोप लगाई रहँदा यस घटना सम्बन्धमा जिल्ला प्रहरी कार्यालय गोरखाका प्रमुख एसपी केदार खनालले घटनाका विषयमा के कस्तो भएको हो भनेर अनुसन्धान भईरहेको जानकारी दिए ।

प्रतिक्रिया