तथ्यसहित प्रस्तुत भएका पौडेलले पूर्वमेयर थापालाई २०५४ सालमा पोखरा महानगरपालिकाको प्रमुख हुँदा र संयन्त्रमा समेत गरेर १० वर्ष पोखरा बिगार्न महत्वपूर्ण हात रहेको आरोप

पोखरा, २० वैशाख । पूर्वमेयर कृष्ण थापालाई पोखरा बिगार्नका लागि १० वर्षे कार्यकालको भूमिका रहेको आरोप लागेको छ । ५ वर्ष मेयर र त्यसपछि पोखरा महानगरपालिकाको संयन्त्रमा रहेका थापाले खेलेको भूमिकाबाट नै उनी कस्ता पात्र हुन् भन्ने स्पष्ट हुने भन्दै सार्वजनिक कार्यक्रममा अभिव्यक्तिहरु सार्वजनिक भएका हुन् ।

प्राईम टाईम टेलिभिजनद्वारा आयोजित ‘स्थानीय तह निर्वाचन २०७९ विशेष कार्यक्रम’ छायाँकनका क्रममा थापालाई अटेरी अभियानको तर्फबाट पोखरा महानगरपालिकाको प्रमुख पदका उम्मेदवार गनेस पौडेलले यस्तो आरोप लगाएका थिए ।

तथ्यसहित प्रस्तुत भएका पौडेलले पूर्वमेयर थापालाई २०५४ सालमा पोखरा महानगरपालिकाको प्रमुख हुँदा र संयन्त्रमा समेत गरेर १० वर्ष पोखरा बिगार्न महत्वपूर्ण हात रहेको आरोप लगाए पछि एमाले कार्यकर्ताहरुले होहल्ला सुरु गरेका थिए । कार्यक्रमका प्रस्तोता ऋषि धमलाले पटक–पटक शान्त हुन आग्रह गर्दा पनि उनीहरु नरोकिएपछि केही समय कार्यक्रम अवरुद्ध हुन पुगेको थियो ।

गण्डकी प्रदेशको सांसदबाट कार्यकाल नसकिदैं राजिनामा दिएर मेयरमा लोभिएका पूर्वमेयर कृष्ण थापाका कर्तुतहरु सार्वजनिक भएपछि कार्यक्रम स्थलमा होहल्ला गर्दै एमालेका कार्यकर्ताहरु ।

गण्डकीमा पृथ्वीसुब्बा गुरुङ विरुद्ध गुट चलाईरहेको आरोप लागेका एमाले नेता खगराज अधिकारीसँग मिलेर थापाले दीपक पौडेलले सिक्री चोरेको भिडियो भाईरल बनाएको कार्यकर्ताहरुको भनाई रहेको छ ।

कार्यक्रमका सहभागीहरुले एमाले उम्मेदवार थापाले मेयर हुँदा सयौं एमालेका कार्यकर्ता भर्ती गर्दै पोखरा महानगरपालिकालाई कार्यकर्ता भर्तिकेन्द्र बनाएको, सारा पोखराको फोहोर र ढल लगेर फेवातालमा मिसाएको अनि जातीय विभेदको घटनामा हजारौँ दलित समुदायको अपमान हुने गरी पीडिकको पक्षमा सार्वजनिक विज्ञप्ति नै प्रकाशित गरी वकालत गरेको लगायतका आरोपहरु लगाउँदै प्रश्न गरेका थिए । पूर्वमेयर थापालाई गण्डकी प्रदेशको सांसद पद नसकिदैं राजीनामा दिएर पोखरा महानगरपालिकाको मेयरमा उठेपछि आर्थिक चलखेल गर्नका लागि मेयर तोकेको र पदको एकदमैं लोभी भएको आरोप लाग्ने गरेको छ ।

कार्यक्रममा ढिलो गरी आएका एमाले उम्मेदवार थापालाई बिचमा राख्ने भनि कुर्सी साट्न खोजेपछि कार्यक्रममा बोलिरहेका राप्रपाको तर्फबाट मेयर पदका उम्मेदवार शंकर खराल आफ्ना कार्यकर्ता सहित कार्यक्रम छोडेर बाहिरिएका थिए । राष्ट्रिय टेलिभिजनको बहसमूलक कार्यक्रममा आफ्नो पार्टीलाई अपमान गरिएको खरालले प्रतिक्रिया दिएका छन् ।

नेकपा एमालेले यस अघि दीपक पौडेललाई पोखराको मेयरको उम्मेदवार बनाएको थियो । पोखराकै एउटा सुनचाँदी पसलमा सिक्री चोरेको घटना पहिला एमाले कैं नेताहरुले भित्रभित्रै मिलाएको र बषौंपछि त्यहीँ भिडियो सामाजिक सञ्जालमा भाईरल गराएर एमालेले रातारात उम्मेदवार परिवर्तन गरी थापालाई उम्मेदवार बनाएको थियो । थापामाथि उक्त भिडियो भाईरल बनाएको आरोप पनि नेकपा एमालेकै कार्यकर्ताहरुले लगाएका छन् । गण्डकीमा पृथ्वीसुब्बा गुरुङ विरुद्ध गुट चलाईरहेको आरोप लागेका एमाले नेता खगराज अधिकारीसँग मिलेर थापाले भिडियो भाईरल बनाएको कार्यकर्ताहरुको भनाई रहेको छ ।

२०५४ साल ताकै एउटा सार्वजनिक कार्यक्रमको दौरानमा थापाले ‘जोगी हुन राजनीति गरेको होईन’ भन्ने अभिव्यक्ति दिएर आलोचित बनेका थिए । त्यसो त थापालाई पोखरा महानगरपालिकाबाट बिल मिलाएर पेट्रोल र खाजा खर्च लगायतको रकम वर्षौंदेखि असुल्दै आएको आरोप पनि लाग्ने गरेको छ ।