News Portal

ताजा शिर्षकहरु

चर्चित शिर्षकहरु

क्राईम–न्यूज प्रमुख समाचार

चुरोट सल्काउने क्रममा ग्याँस लिक हुँदा आगलागी, ४ जना घाईते

पोखरा । पोखरा महानगरपालिका वडा नं. १९ पुरन्चौरस्थित सिता गौतमको घरमा आगलागी हुँदा चारजना व्यक्तिहरु घाईते भएका छन् । आज दिउँसो ४ बजेको समयमा १ तले टिनको भएको कच्ची घरमा डेरा गरी बस्ने गोर्खाका शेरबहादुर गुरुङले डेरा कोठामा चुरोट सल्काउने क्रममा ग्याँस लिक भई उक्त घटना भएको गण्डकी प्रदेश प्रहरी कार्यालयले पठाएको विज्ञप्तिमा उल्लेख छ ।

आगलागीबाट वर्ष ५४ का श्रीमान् शेरबहादुर गुरुङ (मध्यम), वर्ष ४५ की श्रीमती देउकुमारी गुरुङ (मध्यम), छोरा वर्ष १५ का कृष्ण गुरुङ (सामान्य) र गुरुङका माईला भाइका छोरा वर्ष ३७ का मनबहादुर गुरुङ (सामान्य) घाईते भई उपचारका लागि गण्डकी मेडिकल कलेज पोखरामा पठाईएको थियो । घटनाका विषयमा प्रहरी टोली खटिनुका साथै थप अनुसन्धान भईरहेको गण्डकी प्रदेश प्रहरी कार्यालयले जानकारी दिएको छ ।

प्रतिक्रिया