पोखरा । कोरोना संक्रमणका कारण पोखरा महानगरपालिका वडा नं. १५ का ७० वर्षीय पुरुषको आज भाइटिकाको दिन विहान ५ः२२ बजे मृत्यु भएको छ । पोखरा स्वास्थ्य विज्ञान प्रतिष्ठान पोखरामा उपचारका क्रममा निमोनियाको समस्याका कारण ती पुरुषको मृत्यु भएको स्वास्थ्य निर्देशनालय गण्डकी प्रदेशले जारी गरेको विज्ञप्तिमा उल्लेख छ । गण्डकी प्रदेशमा अहिलेसम्म कोरोना संक्रमणका कारण मृत्यु हुनेको संख्या एकसय २३ पुगेको छ ।

आज मात्र क्षयरोग उपचार केन्द्र पोखरामा गरिएको परीक्षणका क्रममा थप ७ जनामा कोरोना संक्रमण देखिएको छ । ती मध्ये पोखरा महानगरपालिका वडा नं. २ का ३ जना र कास्कीको रुपा गाउँपालिकाका ४ जना रहेका छन् ।