काठमाडौं, २० असोज । नेपाल बजार बिक्री प्रतिनिधि संघ र एनटिपी टुरिजम अफयर्स कलेज काठमाडौंबीच सहकार्य गर्दै अघि बढ्ने विषयमा आज बुधबार सहमति भएको छ । बजार बिक्री प्रतिनिधि संघका सदस्यहरुलाई क्षमता अभिवृद्धि तथा वैयक्तिक विकासका लागि शैक्षिक कार्यक्रमहरुमा विशेष सहुलियत उपलब्ध हुने भएको छ ।

झण्डै एक दशकदेखि सञ्चालनमा रहेको एनटिपी टुरिजम अफयर्स कलेजले थाईल्याण्डको श्रीपातुम विश्वविद्यालयसँगको सम्बन्धन तथा नेपाल सरकारको शिक्षा मन्त्रालयबाट अनुमति प्राप्त गरी त्रिभुवन विश्वविद्यालयबाट सम्बन्धित विषयमा समकक्षताको मान्यता लिएको छ ।

काठमाण्डौंको डिल्लीबजारमा रहेको यस कलेजले स्नातक तहमा होटल म्यानेजमेन्ट तथा स्नाकोत्तर तहमा एमबिए शैक्षिक कार्यक्रमहरु सञ्चालन गरेको छ । कलेजले नेपाल नै पहिलोपटक स्ट्राटेजिक मार्केटिंग बिषयमा स्नाकोत्तर तहको व्यापार व्यबस्थापन (एमबिए) शैक्षिक कार्यक्रम सञ्चालन गर्ने गर्दछ ।

स्ट्राटेजिक मार्केटिंगलाई शुद्ध नेपालीमा भन्नु पर्दा रणनीतिक बजारिकरण वा बजार व्यबस्थापन भनिन्छ । उच्च शिक्षामा यस्तो किसिमको बिशिष्टकृत अध्ययन अध्यापनले बिभिन्न शैक्षिक तथा सामाजिक पृष्ठभूमिबाट बिबिध वस्तु तथा सामग्रीहरुको बजार तथा विक्री पेशामा संलग्न पेशाकर्मीहरुको क्षमता अभिबृद्धि हुनुका साथै पेशालाई नै व्यबसायिक र मयार्दित बनाउन मद्दत पुग्ने विश्वास कार्यक्रममा उपस्थित वक्ताले व्यक्त गरेका थिए ।

कलेजसँगको सहकार्यले बिक्री बितरण पेशाकर्मीहरुको वैयक्तिक विकासमा ठुलो सहयोग पुग्नेमा आफु विश्वस्त रहेको संघका केन्द्रिय अध्यक्ष सुर्य प्रसाद पराजुलीले बताए । बजारिकरण हाम्रो समाजको पुरानो पेशा भए पनि पेशाकर्मीहरु नै एक किसिमले अदृश्य रुपमा रहेको बजार र बिक्रीकर्मलाई यस्तो किसीमको प्राज्ञिक सहभागिताले बिशिष्टकृत र बैज्ञानिक बनाउंदै लैजाने एनटिपी टुरिजम अफयर्स कलेजका अध्यक्ष दिनेशकुमार कण्ठले प्रतिवद्धता व्यक्त गरे ।