‘२३ औं जिल्ला सम्मेलन शानदार रुपले सफल पारौं !’ भन्ने मुल नारा सहित १२८ औं माओ दिवसको अवसरमा आयोजना गरिएको अखिल क्रान्तिकारी कास्कीको २३ औं जिल्ला सम्मेलनले पुरन पुनको अध्यक्षतामा १९ सदस्यीय जिल्ला समिति सर्वसम्मतिले गठन गरेको छ ।

‘अध्यक्ष चयन भएकैं दिन कार्यक्रमस्थलबाट नवनिर्वाचित अध्यक्ष पुरन पुन पक्राउ’: २३ औं जिल्ला सम्मेलन सम्पन्न भए लगत्तै अखिल क्रान्तिकारी कास्कीका जिल्ला ईञ्चार्ज एवम् केन्द्रीय सदस्य प्रकाश बाँस्तोला ‘मार्शल’ र कास्कीका नवनिर्वाचित अध्यक्ष पुरन पुन लगायत दर्जनौं विद्यार्थीहरु पक्राउ परेका छन् । तस्विरः रमाकान्त बास्तोला

१२८ औं माओ दिवसको अवसरमा आयोजना गरिएको अखिल क्रान्तिकारीको २३ औं जिल्ला सम्मेलनमा अखिल क्रान्तिकारीका केन्द्रीय कोषाध्यक्ष नरेन्द्र विक, प्रतिबन्धित नेपाल कम्युनिष्ट पार्टी कास्कीका इन्चार्ज उभार, कास्कीका सेक्रेटरी विश्वास, अखिल क्रान्तिकारीका केन्द्रीय सचिवालय सदस्य मिलन राई, अखिल क्रान्तिकारीका गण्डक ब्यूरो इन्चार्ज काजी गुरुङ लगायतका नेताहरुको उपस्थिति रहेको थियो । तस्विरहरु: रमाकान्त बास्तोला