कसैले स्वरुप परिवर्तन गरी ध्वनी प्रदुषण गरी मोटरसाइकल चलाएको देखेमा जिल्ला प्रहरी कार्यालयको १०० र जिल्ला ट्राफिक कार्यालयको १०३ मा टेलिफोन गरी सूचना दिनको लागि पनि अनुरोध

पोखरा, १५ वैशाख । पोखरामा स्वरुप परिवर्तन (मोडिफाई) गरिएका दुई पाङ्गे सवारी साधनहरुले चर्को आवाज निकाल्दैं ध्वनी प्रदुषण गर्दै हिडेपछि चेकजाँचका क्रममा त्यस्ता ३५ वटा सवारीसाधनहरुलाई जिल्ला प्रहरी कार्यालय कास्कीले नियन्त्रणमा लिएको छ ।

जिल्ला प्रहरी कार्यालय कास्की र मातहतका प्रहरी इकाईहरु र जिल्ला प्रहरी ट्राफिक कार्यालय कास्कीको संयुक्त प्रयासमा मोडिफाई गरी चर्को आवाज निकाल्ने ३५ वटा सवारी साधन (मोटरसाइकल) नियन्त्रणमा लिई थप कारवाहीका लागि यातायात व्यवस्था कार्यालय पोखरामा पठाईएको कास्की प्रहरीका प्रवक्ता डिएसपी बसन्तकुमार शर्माले जानकारी दिए ।

डिएसपी शर्माले कसैले स्वरुप परिवर्तन गरी ध्वनी प्रदुषण गरी मोटरसाइकल चलाएको देखेमा जिल्ला प्रहरी कार्यालयको १०० र जिल्ला ट्राफिक कार्यालयको १०३ मा टेलिफोन गरी सूचना दिनको लागि पनि अनुरोध गरेका छन् ।