News Portal

ताजा शिर्षकहरु

चर्चित शिर्षकहरु

राजनीति समाचार

प्रतिबन्धित नेकपा कास्की सहिदको घरमा जनश्रममा खट्दै

पोखरा । प्रतिबन्धित नेत्र विक्रम चन्द ‘विप्लव’ नेतृत्वको नेपाल कम्युनिष्ट पार्टीको गण्डकी ब्यूरो अन्तर्गत विभिन्न जिल्लाका नेता तथा भातृसंगठन अखिल (क्रान्तिकारी)का विद्यार्थी नेताहरु लगायतका कार्यकर्ताहरुले यतिबेला सहिद, वेपत्ता, घाईते तथा असहाय परिवारका माझमा पुगेर जनश्रमदान, राहत प्रदान र स्वास्थ्य सामग्रीहरु बितरण गरिरहेका छन् ।

एकीकृत जनक्रान्तिको उद्घोष गर्दै संघर्षमा उत्रिएको विप्लव नेतृत्वको नेकपाले जनताको माझमा रहेर आफ्नो क्रान्तिलाई अघि बढाउने उद्देश्यले यस्ता विभिन्न गतिविधिहरुलाई अगाडि बढाएको नेकपा कास्कीका सेक्रेटरी विश्वासले बताए ।
जनश्रमदान गर्दै नेकपा कास्की जिल्ला सेक्रेटरी विश्वासले कम्युनिस्ट पार्टीका नेता, कार्यकर्ता श्रमसँग अनिवार्य जोडिनुपर्ने भन्दै यस्ता कार्यक्रमहरु समय–समयमा सञ्चालन भईरहने जानकारी गराए । कास्कीका सेक्रेटरी बिस्वासको नेतृत्वमा यसपटक तत्कालिन जनयुद्धका सहिद बिजयराज बास्तोलाको घरमा पुगेर दाइँ हाली धान थन्क्याएर सहयोग गर्ने काम गरेको थियो ।

सहिद विजयराज बास्तोला, बाबु कृष्णबिलास बास्तोला र आमा कृष्णकुमारी बास्तोलाको कोखबाट २०२५ भदौ २१ गते साविक सिद्द गाबिस वडा नं. १ टाकान्जा कास्कीमा जन्मिएका थिए । २०६१ साल असार १६ गते जनयुद्धका समयमा तत्कालिन शाही नेपाली सेनाबाट अन्य साथीहरु सहित पक्राउ परेका उनको निर्मम हत्या भएको थियो ।

 

प्रतिक्रिया