पोखरा, ५ साउन । ताल र खोलामा पौडी खेल्ने क्रममा पोखरामा तीनजनाको मृत्यु भएको छ । पोखरा–२६, गुदेतालमा एक बालकको र पोखरा–२३, घाँटीछिनास्थित हर्पन खोलामा दुई किशोरको शुक्रबार मृत्यु भएको हो ।

पोखरा महानगरपालिका–२३ घाँटीछिनास्थित हर्पन खोलामा पोडी खेल्नेक्रममा दुई जनाको मृत्यु भएको सशस्त्र प्रहरी बल नेपाल नं. २४ कालिका गणका एसपी अरुण पौडेलले जानकारी दिएका छन् ।

पोखरा महानगरपालिका–१ मोहरिया टोल बस्ने १८ वर्षीय प्रकृत बुद्धचार्य र पोखरा महानगरपालिका–२ बाग्लुङ बसपार्क बस्ने १८ वर्षीय स्वयम ताम्राकार पौडी खेल्ने क्रममा बेपत्ता भएका थिए । ६ जनासाथी मिलेर पौडी खेल्न गएकोमा दुईजनाको डुबेर मृत्यु भएकोमा अन्य ४ जना भने सकुशल रहेको छन् ।

हर्पन खोलामा दिउँसो ३ बजेर ४५ मिनेट जाँदा किशोरहरु वेपत्ता भएको खबर पाएपछि सशस्त्र प्रहरी बल नेपाल नं. २४ कालिका गणबाट गोताखोरसहितको टोलीले दुबै जनाको शव निकालर पोष्टमार्टमका लागि दुवै शवलाई पोखरा स्वास्थ्य विज्ञान प्रतिष्ठन पठाइएको थियो ।
त्यसैगरी, शुक्रबार दिउँसो ३ बजेर १५ मिनेटर जाँदा पोखरा–२६, गुदेतालमा ६ वर्षीय बालकको डुबेर मृत्यु भएको थियो ।

लमजुङ मध्य नेपाल करापुटार घर भई हाल पोखरा–२६ प्रगतिटोल बस्ने ३४ वर्षीय विकास परियारका ६ वर्षीय छोरा सचिनको बुबाँसँग माछा मारेको हेर्न जाने क्रममा अचानक तालमा डुबी मृत्यु भएको थियो ।

तालमा डुबी रहेको अवस्थामा सचिनको बुबा र स्थानीयले देखि तत्कालै उद्धार गरी लेखनाथ सिटी अस्पतालमा ल्याईपु¥याए पनि चिकित्सकले दिउँसो ४ बजे मृत घोषणा गरेका थिए ।