पोखरा, २२ असार । राष्ट्रिय परीक्षा बोर्डले बिहीबार सार्वजनिक गरेको माध्यमिक शिक्षा परीक्षा (एसईई) परीक्षामा पोखराको मदरल्याण्ड माध्यमिक विद्यालयका दुईजना विद्यार्थीले ४ जिपिए ल्याएका छन् । सोही विद्यालयका जोन रानामगर र सुदेश आचार्यले ४ जिपिए ल्याएका हुन् ।

एकसय ५१ विद्यार्थीमध्ये ४ जिपिए ल्याउने २ जना, ३.६ देखि ४ जिपिए ल्याउने ७२ जना, ३.२ देखि ३.६ जिपिए ल्याउने ४६ जना, २.८ देखि ३.२ जिपिए ल्याउने ३१ ज्नाले र २.४ देखि २.८ जिपिए २ ल्याउने २ जना परीक्षार्थी रहेका छन् ।

यसअघि २०७५ सालको एसईईमा पनि मदरल्याण्ड कैं ७ जना विद्यार्थीले ४ जिपिए ल्याएका थिए । विद्यालयका प्राचार्य नारायण बरालले भने–‘यसपटकको एसईईमा एकसय ५१ जना विद्यार्थी सहभागी भएको मध्ये जोन रानामगर र सुदेश आचार्यले ४ जिपिए ल्याएका हुन् ।’

मदरल्याण्ड माविमा अध्ययनरत विद्यार्थीले विज्ञान तथा व्यवस्थापन संकायतर्फ पनि उत्कृष्ट नतिजा प्राप्त गरिरहेका छन् । यस वर्षको कक्षा १२ का विज्ञान संकायमा सम्रात ढुंगानाले गण्डकी प्रदेश मैं सर्वोत्कृष्ट नतिजा ल्याउन सफल भएका थिए । साथै विद्यार्थी ढुंगानासहित १४ विद्यार्थीले ६० करोड रुपैयाँभन्दा बढिको पूर्ण छात्रवृत्ति प्राप्त गर्न सफल भएको र विश्वमा नाम चलेका विश्वविद्यालय तथा कलेजमा उच्च शिक्षाको अवसर प्राप्त गरेको पनि प्राचार्य बरालले बताए ।