News Portal

ताजा शिर्षकहरु

चर्चित शिर्षकहरु

क्राईम–न्यूज प्रमुख समाचार

कुकुरसहित झुण्डिएको अवस्थामा महिलाको शव भेटियो

'गुल्मी घर भई पोखरा-१७ बस्ने ५५ बर्षीया कोपिला झुण्डिएको अवस्थामा फेला परेकी हुन्'

पोखरा, ४ असोज । पोखरामा एक महिलाले कुकुरसहित झुण्डिएको अवस्थामा फेला परेकी छिन् । गुल्मी चन्द्रकोट गाउँपालिका वडा नं. १ शान्तिपुर घर भई हाल पोखरा महानगरपालिका वडा नं. १७ बेलघारी बस्ने ५५ बर्षीया कोपिला राना रुखमा कुकुरसहित झुण्डिएको अवस्थामा मृत फेला परेकी हुन् ।

जिल्ला प्रहरी कार्यालय कास्कीका अनुसार पोखरा वडा नं. २१ स्थित फुस्रेखोलाको एक रुखमा कुकुरसहित एउटै नाईनलको डोरीमा झुण्डिएको अवस्थामा कोपिला भेटिएकी थिईन् । पोखरामा छोरीको घरमा बस्दै आएकी कोपिला आफ्नै घरमा पालेको कुकुरसहित मृत भेटिएको जिल्ला प्रहरी कार्यालय कास्कीका प्रवक्ता एवं डीएसपी सुवास हमालले बताए ।

उनी आइतबार राती अबेलासम्म पनि घरमा नआएपछि खोजतलास गर्ने क्रममा सोमबार विहान १० बजेको समयमा स्थानीयले कोपिलालाई कुकुरसहित झुण्डिएको अवस्थामा देखेर प्रहरीलाई खबर गरेका थिए । छोरीको घरमा पालेका दुईवटा बाख्रा लिएर सधैं चराउन जाने ठाउँमा कोपिला मृत अवस्थामा भेटिए पछि प्रहरीले थप अनुसन्धान गरिरहेको बताएको छ ।

प्रतिक्रिया