लमजुङ । लमजुङमा खुकुरी प्रहारबाट घाईते भएको एक युवाको उपचारका क्रममा मृत्यु भएको छ । राईनास नगरपालिका–९ का २२ वर्षीय सुधिन आले खुकुरी प्रहारबाट घाईते भएका थिए । घाईते आलेलाई उपचारका क्रममा भरतपुर अस्पताल लैजाँदै गर्दा बाटोमा नै मृत्यु भएको प्रहरीले जानकारी दिएको छ ।

मोटरसाइकलमा आईरहेका आलेलाई बाटो ढुकेर सुरज थापाले टाउको र हातमा खुकुरी प्रहार गरेका थिए । खुकुरी प्रहारबाट आलेलाई गम्भीर घाईते बनाएर ट्याक्टरचालक थापा फरार भएका थिए । अहिलेसम्म पनि जिल्ला प्रहरी कार्यालय लमजुङले खुकुरी प्रहार गर्ने थापालाई पक्राउ गर्न सकेको छैन ।