News Portal

ताजा शिर्षकहरु

चर्चित शिर्षकहरु

क्राईम–न्यूज प्रमुख समाचार

लमजुङमा करेन्ट लागेर सात वर्षीया बालिकाको मृत्यु

'टिभी हेर्ने भनेर बक्स छुन पुग्दा नांगो तारमा बालिकाले छुन पुगेपछि सो दुर्घटना भएको': प्रहरी

लमजुङ । लमजुङमा करेन्ट लागेर सात वर्षीया बालिकाको मृत्यु भएको छ । राईनास नगरपालिका वडा नं. ७ सालफेदीमा टेलिभिजन हेर्न भनी सोमबार विहान ७ बजेतिर सेट्रोल बक्स छुन पुग्दा करेन्ट लागेपछि उपचारका क्रममा अस्पतालमा लैजाँदा सृष्टि पाण्डेको मृत्यु भएको लमजुङ प्रहरीले जनाएको छ ।

करेण्ट लागेर भुइँमा ढलेकी सृष्टिलाई उपचारका क्रममा गरमबेंसीस्थित सहोदर अस्पतालमा लैजाँदा विहान साढे ८ बजे मृत्यु भएको थियो । अस्पताल पुर्याएकी सृष्टिको बाटोमा नै मृत्यु भईसकेको भन्दै अस्पतालका डाक्टरले मृत घोषणा गरिदिएका थिए । धमिलिकुवास्थित शैलपुत्री माध्यमिक विद्यालय कक्षा २ मा पढ्ने सृष्टिको शव बेंसीसहरस्थित जिल्ला अस्पताल लमजुङमा पोस्टमार्टम गरी परिवारलाई बुझाईएको छ ।

जिल्ला प्रहरी कार्यालय लमजुङका प्रहरी प्रमुख डिएसपी कृष्णबहादुर कार्कीले टिभी हेर्ने भनेर बक्स छुन पुग्दा नांगो तारमा बालिकाले छुन पुगेपछि सो दुर्घटना भएको र घटनाबारे स्वयं घटनास्थलमा उपस्थित भएर अनुसन्धान गरिरहेको बताए ।

प्रतिक्रिया