News Portal

ताजा शिर्षकहरु

चर्चित शिर्षकहरु

क्राईम–न्यूज प्रमुख समाचार

ठूलो मात्रामा लागूऔषध सहित अर्जुन गुरुङ पक्राउ

'लागूऔषध डाईजापाम, फेनारगन र नुर्फिन गरी दुईहजार १४ एम्पुल र नगद ५ लाख बरामद'

पोखरा । लागूऔषध नियन्त्रण व्यूरो शाखा कार्यालय पोखराले ठुलो परिणाममा लागूऔषधसहित एकजनालाई पक्राउ गरेको छ । व्यूरोले बुधबार पोखरा महानगरपालिका वडा नं. १ बाट लागूऔषध र पाँचलाख रुपैयाँ नगदसहित अर्जुनकुमार गुरुङलाई पक्राउ गरेको हो ।

पोखरा वडा नं. १ बगर बस्ने वर्ष ४९ का गुरुङलाई शंकास्पद अवस्थामा फेला पारी व्यूरोले घर समेतको तलासी लिदाँ ठुलो परिणामको लागूऔषध भेटिएको गण्डकी प्रदेश प्रहरी कार्यालय पोखराका प्रहरी वरिष्ठ उपरीक्षक नरबहादुर केसीले जानकारी दिए ।

प्रहरीले गुरुङको घरको कोठाबाट सुटकेस भित्र लुकाई राखेको अवस्थामा लागूऔषध डाईजापाम ६ सय ७० एम्पुल, फेनारगन ६सय ७० एम्पुल, नुर्फिन ६सय ७४ एम्पुल गरी दुईहजार १४ एम्पुल बरामद गरेको प्रहरी वरिष्ठ उपरीक्षक केसीले बताए । प्रहरीले लागूऔषधसँगै नगद ५ लाख २१ हजार दुईसय रुपैयाँ र मोवाईल १ थान बरामद गरेको थियो । पक्राउ परेका गुरुङलाई लागूऔषध सम्बन्धी कसुर अन्तर्गत मुद्दामा अनुसन्धान अगाडि बढाईएको प्रहरीले जनाएको छ ।

डनन्यूज ट्रेन्डिङ