News Portal

ताजा शिर्षकहरु

चर्चित शिर्षकहरु

क्राईम–न्यूज प्रमुख समाचार

एम्बुलेन्समाथि पहिरो खस्दा विरामीको मृत्यु

'मादी गाउँपालिकामा एम्बुलेन्समाथि पहिरो खस्दा ८३ वर्षीय गोमा अधिकारीको मृत्यु'

तस्विर सौजन्य : स्थानीय ओमप्रकाश गुरुङ

कास्की । कास्कीको मादी गाउँपालिकामा बिरामी बोकेर उपचारका लागि जाँदै गरेको एम्बुलेन्समाथि पहिरो खस्दा बिरामीको घटनास्थलमा नै मृत्यु भएको छ । मादी गाउँपालिका वडा नं. ९ स्थित खहरे खोलामा आज विहान ९ बजे एम्बुलेन्समाथि पहिरो खस्दा ८३ वर्षीय बिरामी गोमा अधिकारीको मृत्यु भएको हो ।

उक्त घटनामा परी ग १ ज ४४८ एम्बुलेन्सका चालक सुवास अधिकारी घाइते भएका छन् । एम्बुलेन्समाथि पहिरो खसेपछि त्यहाँ रहेका बिरामीका आफन्त, सहचालक र चालक भागाभाग गर्दा चालकलाई एकसय मिटर तलसम्म बाढीपहिरोले बगाएर घाईते बनाएको थियो । एम्बुलेन्समा सवार सहचालक मिनबहादुर पराजुली र विरामीका आफन्त प्रभात अधिकारीसहित दुईजनालाई भने सकुशल नै रहेका छन् । एम्बुलेन्समा पहिरो खसेर मृत्यु भएकी ८३ वर्षीय गोमा अधिकारीको शव परिवारजनले स्टेचरमा राखी आफ्नै घरमा अन्तिम दाहसंस्कारका लागि लगेका छन् ।

हिजो बेलुकादेखि नै वृद्ध आमालाई विमारले च्यापेपछि पोखरा आउन खोजेका आफन्तहरु ठुलो पानी परेका कारण आज विहानमात्र पोखराका लागि हिडेका थिए । खोलामा बाटो बिग्रिए पछि ट्याक्टरले खाल्डाखुल्डी पुर्ने काम गरिरहेको थियो । सोही अवस्थामा खहरे खोला नजिक पुगेको एम्बुलेन्समाथि एक्कासी बाढीपहिरो खसेको स्थानीय ओमप्रसाद गुरुङले जानकारी दिए । गुरुङका अनुसार घाईते चालक अधिकारीलाई थुम्सीकोट स्वास्थ्य चौकीमा सामान्य उपचार गराएर पोखरा सिशुवास्थित अस्पताल पठाईएको छ ।

प्रतिक्रिया