News Portal

ताजा शिर्षकहरु

चर्चित शिर्षकहरु

क्राईम–न्यूज प्रमुख समाचार

मिटर ब्याजको चक्करमा सहकारीको रकम हिनामिना

'२ अर्ब ७० करोड ठगी गर्ने सहकारी सञ्चालक श्रेष्ठको प्रतिवेदन वकिल कार्यालयमा'

ललितपुर । मिटर ब्याजको चक्करमा सहकारी सञ्चालकले गर्ने गलत धन्दाका कारण जनताको लाखौं रुपैयाँ डुबेको छ । ललितपुर, काठमाडौं मात्र होइन पोखरा लगायत देशका मुख्य–मुख्य शहरहरुका सहकारीमा निगरानी गर्ने हो भने मिटर व्याजको धन्दा गर्ने र सहकारी सञ्चालक बिचको सम्बन्ध प्रष्ट देख्न सकिन्छ ।

मिटर व्याजको चक्करमा ललितपुरका एक सहकारी सञ्चालकले जनताको ७० करोड भन्दा बढि रकम हिनामिना गरेका छन् । गुडविल बचत तथा ऋण सहकारी संस्था ललितपुरका अध्यक्ष दिवाकर श्रेष्ठले सहकारीको ७० करोड र विभिन्न व्यक्तिहरुको २ अर्ब रुपैयाँ ठगी गरेका हुन् ।

ठगी गरेर फरार रहेका श्रेष्ठलाई प्रहरीले चैत २२ गते चितवनबाट पक्राउ गरेको थियो । सहकारीका अध्यक्ष श्रेष्ठसँगै १७ जना अन्य व्यक्तिहरुलाई पनि प्रहरीले पक्राउ गरेको छ । संगठित ठगी मुद्दामा प्रहरीले ती व्यक्तिहरुको अनुसन्धान सकेर प्रतिवेदन सरकारी वकिलको कार्यालयमा बुझाएको छ ।

‘संगठित ठगी मुद्दामा अनुसन्धान पुरा गरेर प्रतिवेदन बुझाएका छौं’ महानगरीय प्रहरी परिसर ललितपुरकी एसएसपी किरण बज्रचार्यले भनिन्, ‘सो मुद्दामा १७ जनालाई पक्राउ गरिएको छ ।’ यसरी पक्राउ पर्नेहरुमा केही मिटरव्याजी धन्दा सञ्चालन गर्नेहरु छन् ।

सहकारीको रकम अध्यक्ष श्रेष्ठले सहकारीको रकम लिएर घरजग्गा किनेको र मिटरब्याजमा लगानी गर्नेहरुलाई पैसा दिएर चर्को ब्याज असुली गर्ने धन्दामा सक्रिय हुँदा सहकारीको पैसा डुबेको हो । सहकारीका अध्यक्ष श्रेष्ठले सहकारीको ७० करोड र विभिन्न व्यक्तिहरुको २ अर्ब रुपैयाँ ठगि गरेका छन् ।

प्रतिक्रिया