News Portal

ताजा शिर्षकहरु

चर्चित शिर्षकहरु

क्राईम–न्यूज प्रमुख समाचार

पार्किङ गरेर राखिएको कारभित्र बालकहरुको शव भेटियो

'दाङको स्याउली बजारमा उक्त कार चार महिनादेखि पार्किङ गरेर राखिएको थियो'

दाङ । दाङको तुलसीपुरको स्याउली बजारमा चार महिनादेखि पार्किङ गरेर राखिएको भारतीय नम्बर प्लेटको कारभित्र आज तीनजना १० वर्ष मूनिका बालकहरुको शव भेटिएको छ ।

भारतीय नम्बर प्लेटको जे ०१६६०८८५ नम्बरको निशानको कारभित्र तीन वटा बालकहरुको शव फेला परेको इलाका प्रहरी कार्यालय तुलसीपुरका प्रमुख डीएसपी शिबबहादुर सिंहले जानकारी दिए । गम्भीर प्रकृतिको घटना भएको हुँदा अहिले नैं केही भन्न नसकिने डीएसपी सिंहको भनाई थियो ।

प्रहरीले प्रारम्भिक अनुसन्धानका क्रममा त्यो भारतीय नम्बर प्लेट भएको कार स्याउली बजारमा गत माघ महिना अगाडिदेखि नै पार्किङमा रहेको खुल्न आएको छ । जब आज शनिबार बेलुका एउटा बस उक्त कार नजिकै पार्किङका लागि पुगेपछि दुर्गन्ध आउँदा शंका लागेर कारभित्र हेर्दा ती शवहरु भेटिएको प्रहरीले जनाएको छ । प्रहरीले घटनाको विषयमा थप अनुसन्धान गरिरहेको छ ।

प्रतिक्रिया