वडाध्यक्ष : तपाईले हामीलाई आदेश दिने हो ?
प्रहरी : मैले आदेश दिने होइन ……
वडाध्यक्ष : तँ मुँ….. को होस् ? भन्न त मुँ……. ? को होस् ? तँ …….. मुँ…… को जागिर सागिर …… मुँ …… भन्न त ? तँ मुँ… को होस् भन्न त ? मुँ….. ? के ख्याँस्छस् जाँ…. त ……
प्रहरी : त्यसरी मुख नछाड्नुस्, भन्न पर्ने ठाउँमा म पनि भन्छु ।
वडाध्यक्ष: तँ मुँ… खुपी छ जाँ…. त…… तँ को होस् भन् त मुँ…., को होस् ?
प्रहरी:  त्यहाँका मानिससँग बुझ्नु के भनेको छुँ मैले ?
वडाध्यक्ष: गाउँपालिकाले काम गर्न लागेको छ । तँ मुँ….ले सिकाउने ……

पोखरा । माथिको संवाद जनप्रतिनिधि र प्रहरी बीचकोे हो । कास्कीको मादी गाउँपालिका वडा नं. ४ का वडाध्यक्ष सत्यराज सापकोटाले ईकाला प्रहरी कार्यालय मादीका प्रहरी प्रमुख असई टिकाराम न्यौपानेलाई मोवाईलमा फोन गरेर थर्काउँदै प्रयोग गरेको भाषा हो । आज पाँच दिन बितिसक्यो यो घटना भएको पनि ।

न त जिल्ला प्रहरी कार्यालय कास्कीले जनप्रतिनिधिलाई कारवाही गर्न सक्यो, न त ड्युटीमा भएका प्रहरीको साख नै जोगाउन सक्यो । उल्टै ती धम्की खाने प्रहरीको आत्मबल नैं कमजोर बनाउने गरी उनलाई त्यस ठाउँबाट नै हटाईयो । कारण, धम्की दिने जनप्रतिनिधि विपक्षी दलको नभई सत्तारुढ दलका भएका कारण कास्की प्रहरी प्रमुखले उनलाई पक्राउ गर्ने आँटसम्म पनि गर्न सकेनन् ।

घटनाको शुरुवात, मापदण्ड विपरित खोलाको पुलमुनी ढुङ्गा झिकिरहेको देखेपछि रोक्न पुगेका प्रहरी नै जनप्रतिनिधिको तारो बन्न पुगे । उल्टै ढुङ्गागिटी किन झिक्नलाई रोकिस् भन्दै तल्लोस्तरको खाली खाएका प्रहरीले त्यस घटनाका कारण ठाउँ नै छोड्न प¥र्यो ।

मादी गाउँपालिका वडा नं. ४ का वडाध्यक्ष सत्यराज सापकोटाले फोन गरेर असई न्यौपानेलाई मनपरी गाली गरेका थिए । १२ गतेको यो घटना आज पाँचदिन हुँदा मनपरी गाली गलौंज गर्ने अध्यक्ष सापकोटालाई प्रहरीले पक्राउ गर्नुको साटो राजनीतिक दवावमा परी उल्टै असईलाई त्यहाँबाट हटाईएको छ ।

सत्तासिन दलका जनप्रतिनिधि भएका कारण गल्ती नहुँदा नहुँदै पनि असई न्यौपानेलाई हटाईएकोमा स्थानीयवासीहरुले गुनासो गरेका छन् । ‘मनपरी मुख छाडेर बोल्ने जनप्रतिनिधिलाइ र्नैं पक्राउ गर्न हिम्मत नभएपछि आदेशको पालना गर्ने सानो पदका कर्मचारीलाई नै दोषी बनाउने काम गरियो?’, मादी गाउँपालिकाका एक स्थानीयले भने–‘दलको दवावका कारण सुन्न नसक्ने गरी बर्दीमा रहेको प्रहरीलाई गाली गलौंज र मनपरी गर्दा पनि माथिल्लो निकायले त्यस्ता जनप्रतिनिधिलाई केही गर्न नसक्दो रहेछ ।’

यस विषयमा जिज्ञासा राख्दा जिल्ला प्रहरी कार्यालय कास्कीका प्रमुख एसपी जीवन श्रेष्ठले यो विषयमा जानकारी भएको बताए । कसैले पनि ड्यूटीमा भएको प्रहरीलाई थर्काउने र काममा बाधा पु¥याउन पाईदैन, तर भाको के हो कुरा बुझ्न त पाउनु प¥र्यो ।’

जनप्रतिनिधिले थर्काउने प्रहरीले असई न्यौपानेलाई डाँडाको नाक प्रहरी चौंकीमा तान्नुले प्रहरीको मनोबल गिर्दैन भन्ने प्रश्नमा एसपी श्रेष्ठले सरुवा बढुवा नियमित प्रक्रिया भएकोले त्यस्तो नहुने बताए । ‘हाम्रो कर्मचारीलाई किन त्यस्तो गरियो भन्ने कुराहरु हामी सोधपुछ गर्दैछौं र बुझ्दैछौं’, एसपी श्रेष्ठले भने–‘ यस विषयमा हामी संस्थागत पनि कुरा गछौं र सम्बन्धित व्यक्तिसँग पनि किन यस्तो भयो भने खोजबिन गछौं ।’

यस विषयमा प्रश्न गर्दा मादी गाउँपालिका वडा नं. ४ का वडाध्यक्ष सत्यराज सापकोटाले आवेशमा आउन हुँदैनथ्यो जनप्रतिनिधिका नाताले पनि, परिस्थिति नै त्यस्तै बन्यो र मैले बोल्न पुगे भनेर स्वीकार गरेका छन् । उनले कुनै पनि गलत नियत र पूर्वाग्राही ढंगले गाली गलौंज नगरेको तर परिस्थिति नै त्यस्तै बनेपछि आफू पनि सम्हालिन नसकेको डन न्यूजलाई बताए ।

(जनप्रतिनिधि र प्रहरी बीच भएको वार्तालाप हामीसँग सुरक्षित छ ।)