News Portal

ताजा शिर्षकहरु

चर्चित शिर्षकहरु

क्राईम–न्यूज प्रमुख समाचार

श्रीमानको हत्या आरोपमा पाँचवर्षपछि श्रीमती पक्राउ

परपुरुषसँगको सम्बन्धका कारण पार्वतीले श्रीमानको हत्या गरेको पुष्टि

काठमाडौं । वैदेशिक रोजगारीबाट घर फर्किएको भोलिपल्टै खानामा विष हालेर श्रीमानको हत्या गर्ने श्रीमतीलाई प्रहरीले पाँच वर्षपछि पक्राउ गरेको छ । श्रीमानको हत्या गरेको आरोपमा प्रहरीले धादिङ घर भई भक्तपुरको सूर्यविनायक नगरपालिका वडा नं. ४ मा बस्ने २९ वर्षीय पार्वती थापामगरलाई बुधबार पक्राउ गरेको हो ।

भक्तपुरको अनन्तलिङ्गेश्वर नगरपालिका घर भएका पति विष्णु थापामगर ०७२ माघ २७ मा वैदेशिक रोजगारीबाट फर्केका थिए । विदेशबाट आएको भोलिपल्ट छोरालाई स्कुल पठाएर पार्वतीले खानामा विष घोलेर श्रीमानलाई खान दिएको प्रहरीको अनुसन्धानबाट खुलेको हो ।

‘अण्डा करी, गहतको दाल र खानामा विष खुवाएको सो खाना र मृतकको भिसेरा परीक्षणबाट देखिएको छ’ महानगरीय प्रहरी परिसर भक्तपुरका डिएसपी दिपक गिरीले भने– ‘आरोपीलाई पक्राउ गरेर हामिले थप अनुसन्धान शुरु गरेका छौं ।’

विष हालेर दिईएको खाना खाँदा अप्ठेरो भएपछि विष्णुलाई तत्कालै मध्यपुर अस्पताल लगिएको थियो । अस्पतालमा उपचार कैं त्रममा उनको मृत्यु हुन पुग्यो । विवाहेत्तर सम्बन्धका कारण पार्वतीले पतिको हत्या गरेको प्रहरीको प्रारम्भिक अनुसन्धानबाट पत्ता लागेको छ ।

भिसेरा र घटनास्थलबाट उठाइएको खानाको स्याम्पल परीक्षण गर्दा सो खानामा किटनाशक विषादी मिसिएको रिपोर्ट आएको हो । मृतकका भाइ लोकबहादुरले भाउजुविरुद्ध किटानी जाहेरी दिएका छन् । प्रहरीले घटनाका विषयमा थप अनुसन्धान गरिरहेको छ ।

प्रतिक्रिया