News Portal

ताजा शिर्षकहरु

चर्चित शिर्षकहरु

क्राईम–न्यूज प्रमुख समाचार

जिप दुर्घटना हुँदा गोरखामा दुईजनाको मृत्यु, ७ जना घाईते

'लमजुङबाट बारपाक घुुम्न आएका आन्तरिक पर्यटकहरुको फर्किने क्रममा जिप दुर्घटना'

प्रतिकात्मक तस्विर

गोरखा । लमजुङबाट बारपाक घुुम्न आएका आन्तरिक पर्यटकहरुको फर्किने क्रममा गोरखामा जिप दुर्घटना हुँदा दुईजनाको मृत्यु हुनुका साथै ७ जना घाइते भएका छन् । गोरखाको बारपाक सुलिकोट गाउँपालिका वडा नं. २ राङरुङमा शनिबार साँझ करिब सात बजे ना ५ च ३२९८ नम्बरको बोलेरो जिप सडकबाट दुईसय मिटर तल खसेर दुर्घटना भएको हो ।

दुर्घटनामा परी मृत्यु हुनेहरुमा लम्जुङ्गको दुधपोखरी गाउँपालिका बिचौरका ५५ वर्षीय रामेश्वर न्यौपाने र ४५ वर्षीय ठाकुर दवाडी रहेको छन् । प्रहरीका अनुसार उनीहरुलाई उपचारका लागि गोरखा अस्पताल ल्याए लगत्तै चिकित्सकले मृत घोषणा गरेका हुन् ।

यसैगरी, दुर्घटनामा परी घाइते हुनेहरुमा लम्जुङ बेसीशहरका २० वर्षीय सन्तोष तामाङ, दूधपोखरी गाउँपालिकाका ३० वर्षीय विष्णु दवाडी, २८ वर्षीय अनिल मरहट्टा, १८ वर्षीय अमृत दवाडी, २६ वर्षीय विष्णु न्यौपाने, २९ वर्षीय अमृत दवाडी र तनहुँ व्यास नगरपालिकाका ३६ वर्षीय सुशील नराल रहेका छन् । उनीहरुमध्ये विष्णु न्यौपाने र अनिल मरहट्टालाई थप उपचारका लागि चितवन रिफर गरिएको छ । बाँकीको गोरखा अस्पतालमा उपचार भइरहेको प्रहरीले जानकारी दिएको छ ।

प्रतिक्रिया