बागलुङ । बागलुङ बडिगाड गाउँपालिका वडा नं. ८ नेताखर्कमा अमरबहादुर सुनारको घरमा चट्याङ पर्दा घरमा खेलिरहेको ८ वर्षको बच्चाको घटनास्थलमा नै मृत्यु भएको छ । मंगलबार साँझ ७ बजेको समयमा चट्याङ पर्दा सुनारका छोरा खिमेको मृत्यु भएको हो ।

त्यसैगरी सोही दिन वागलुङ जैमिनी नगरपालिका वडा नं. ९ बिजुवाका श्यामबहादुर थापामगरको घरमा चट्याङ पर्दा गोठमा बाँधिराखेको बाख्रा र कुखराहरु मरेका छन् । साथै चट्याङका कारण घरको सम्पूर्ण विद्युतीय सामग्रीहरु क्षति पुगेको भएपनि कुनै पनि मानवीय क्षति नभएको गण्डकी प्रदेश प्रहरी कार्यालय पोखराका प्रहरी उपरीक्षक विनोद सिलवालले जानकारी दिए ।