News Portal

ताजा शिर्षकहरु

चर्चित शिर्षकहरु

क्राईम–न्यूज प्रमुख समाचार

मनाङमा ट्रक दुर्घटनामा परी मृत्यु हुनेको संख्या पाँच पुग्यो (अपडेट)

'गम्भिर घाईते भएका पाँचजना मध्ये उपचारका लागि लमजुङ ल्याउँदै गर्दा बाटोमा नै दुईजनाको मृत्यु भएको हो'

मनाङ । मनाङमा हिजो भएको ट्रक दुर्घटनामा मृत्यु हुनेको संख्या पाँच पुगेको छ । मनाङ नासों गाउँपालिका वडा नं. ४ स्थित खोत्रोमा भएको सवारी दुर्घटनामा परी घटनास्थलमा तीनजनाको मृत्यु भएको थियो । गम्भिर घाईते भएकाहरुलाई उपचारका लागि लमजुङ ल्याउने क्रममा दुईजनाको बाटोमा नै मृत्यु हुन पुगेको जिल्ला प्रहरी कार्यालय लमजुङले जानकारी दिएको छ ।

बेंसीशहरबाट सिमेन्ट बोकेर मनाङको सदरमुकाम चामे जाँदै गरेको ध१ख ५९२ नम्बरको ट्रक सडकबाट ६० मिटरजति तल मस्र्याङ्दी नदीमा खसेको थियो । दुर्घटनामा परेर मनाङको नासों गाउँपालिका वडा नं. ४ ओडार गाउँका अन्दाजी डेढ वर्षका लियोन गुरुङ, ३५ वर्षीया मनिषा गुरुङ र अन्दाजी ३१ वर्षीया जलकाशी गुरुङको घटनास्थलमै मृत्यु भएको हो । मृतक लियोन मनिषाको छोरा हुन् । मनिषा र जलकाशी दिदीबहिनी हुन् ।

जिल्ला प्रहरी कार्यालय लमजुङका प्रमुख डीएसपी गंगाबहादुर थापाका अनुसार घाईते पाँचजना मध्ये उपचारका क्रममा लमजुङ ल्याउँदै गर्दा ट्रकका सहचालक मस्र्याङ्दी गाउँपालिका वडा नं. ५ घेर्मु खोरियाखेतका २१ वर्षीय लक्ष्मण नेपाली र चामे गाउँपालिका वडा नं. ४ का २८ वर्षीय राजु विकको बाटोमा नै मृत्यु भएको थियो । उनीहरुलाई हिजो (शनिबार) राती ८ बजे लमजुङ जिल्ला अस्पतालमा पु¥याउने वित्तिकै चिकित्सकले मृत घोषणा गरेका थिए ।

घटनामा परी गम्भीर घाइते भएकाहरु मध्ये अन्य ट्रकका चालक तनहुँको भानु नगरपालिका वडा नं. ३ का २४ वर्षीय सुमन तामाङ, नासों गाउँपालिका वडा नं. ४ का अन्दाजी ४ वर्षीय थियोन गुरुङ र अन्दाजी ६ वर्षीय नियोल गुरुङको जिल्ला अस्पताल लमजुङमा प्रारम्भिक उपचारपछि पुरानो मेडिकल कलेज चितवनमा रिफर गरिएको डिएसपी थापाले जानकारी दिए ।

प्रतिक्रिया