News Portal

ताजा शिर्षकहरु

चर्चित शिर्षकहरु

क्राईम–न्यूज प्रमुख समाचार

‘हनी ट्रयाप’को आरोपमा बलात्कारको झुटो मुद्दा दिने महिला पक्राउ

'गेष्ट हाउसमा भेट्न बोलाई गोप्यरुपमा भिडियो बनाएर ब्ल्याकमेलिङ गरी लाखौं रुपैयाँ असुलेको आरोप'

काठमाडौं । ‘हनी ट्रयाप’मा फसाई रकम असुली गरेको अभियोगमा नेपाल प्रहरीले दुई महिलालाई पक्राउ गरेको छ । ती महिलाहरुले ‘हनी ट्रयाप’मा पारेर रकम असुली गर्ने र दिन नमाने बलात्कारको झुटो आरोप लगाउने काम गर्दै आईरहेका थिए ।
बलात्कारको झुटो उजुरी दिने महिला ‘हनी ट्र्याप’को आरोपमा सुर्खेत वीरेन्द्रनगर नगरपालिका वडा नं. १० घर भई हाल काठमाडौं घट्टेकुलो बस्ने ललिता भन्ने ३७ वर्षीया लालसरी शाही र सोही ठाउँ घर भई हाल काठमाडौं कपन बस्ने ३७ वर्षीया कल्पना हमाललाई बुधबार पक्राउ गरेको हो ।

काठमाडौं महानगरपालिका–३२ कोटेश्वर बस्ने एक पुरुषलाई लालसरीले काठमाडौं सुन्धारास्थित गेष्ट हाउसमा भेट्न बोलाई गोप्यरुपमा भिडियो बनाएर म्यासेन्जर मार्फत ब्ल्याकमेलिङ गर्दै आईएमई मार्फत् लाखौं रुपैयाँ असुली गर्दै आईरहेको आरोपमा महानगरीय अपराध महाशाखा मिनभवनबाट खटिएको प्रहरी टोलीले काठमाडौंबाट पक्राउ गरेको हो ।

ती महिलाहरुले संस्थागत कामको सिलसिलामा लालसरीले चिनजानका ५२ वर्षीय पुरुषलाई सुन्धारास्थित होटलमा सबै पैसा हराएको कारण सहयोग गरिदिन अनुरोध गरे पश्चात भेट्न गएका ती पुरुषको समेत गोप्य भिडियो बनाएका थिए । गोप्य भिडियो देखाउँदै पैसा नदिए घरपरिवार साथै प्रहरी समेतमा उजुरी दिई फसाइदिने भन्दै ती महिलाहरुले पटक–पटक गरी तीनलाख दुईहजार पाँचसय लिईसकेको अनुसन्धानबाट खुल्न आएका प्रहरीले जानकारी दिएको छ ।

साथै लालसरी २०६६ मंसिरमा अपहरण मुद्दामा जिल्ला अदालत बाँकेबाट १४ वर्ष जेल सजाय फैसला भएकोमा ७ वर्ष जेल बसी २०७४ मंसिर २२ गते १ लाख रुपैयाँ धरौटीमा छुटेकी थिइन् । लालसरी र कल्पनाले सुर्खेत वीरेन्द्रनगर नगरपालिकाका लेखापाललाई फसाउने नियतले उनी विरुद्ध २०७७ असोज ६ गते जबरजस्ती करणी मुद्दामा जाहेरी दिएका थिए ।

पछि अनुसन्धान गर्दै जाँदा ती महिलाहरुको नियत गलत र जाहेरी झुठ्ठा ठहरिएकोले लालसरीउपर जिल्ला अदालत सुर्खेतबाट ३ वर्ष ६ महिना जेल सजाय फैसला भएको थियो । उनीहरूलाई थप अनुसन्धानका लागि महानगरीय प्रहरी परिसर काठमाडौं पठाइएको उक्त महाशाखाले जनाएको छ ।

प्रतिक्रिया