लमजुङ । लमजुङ क्वहोलासोथार गाउँपालिका वडा नं. ४ स्थित त्रिभुवन विद्याआश्रम माध्यमिक विद्यालयमा आज दिउँसो चट्याङ पर्दा एक विद्यार्थीको मृत्यु र ११ जना घाईते भएका छन् । विद्यालयमा अध्ययन गरिरहेका सोही वडाका वर्ष १८ का विनोद विकको चट्याङ लागेर घाईते भएपछि उपचारका लागि लैजादैँ गर्दा बाटोमा नै मृत्यु भएको गण्डकी प्रदेश प्रहरी कार्यालय पोखराले जानकारी दिएको छ ।

दिउँसो ३ः५० बजेको समयमा विद्यालयमा परेको चट्याङका कारण सोही विद्यालयमा अध्ययनरत नौं जना विद्यार्थी र सोही विद्यालयका दुईजना शिक्षिकाहरु घाइते भएका थिए । घाईते विद्यार्थी छविन्द्र गुरुङको मणिपाल शिक्षण अस्पताल पोखरामा उपचार भईरहेको छ । बाँकी अन्यको अवस्था अहिले सामान्य रहेको प्रहरीले जनाएको छ ।